નકલી નોટ / સ્વામિનારાયણ મંદિરમાંથી પકડાયેલ નકલી નોટના કૌભાંડના છેડા માફિયા સુધી!

• સુરતમાં નકલી નોટ ઝડપાવવાનો મામલો
• પોલીસે માફિયા કનેક્શન મુદ્દે તપાસ શરૂ કરી
• સ્વામીની માફિયા સાથેની સાંઠગાંઠની તપાસ શરૂ કરી

સુરતમાં નકલી નોટ ઝડપાવવાનો મામલાએ તુલ પકડી છે. ક્રાઈમ બ્રાન્ચ પોલીસે માફિયા કનેક્શન મુદ્દે તપાસ શરૂ કરતા ગળતેશ્વર સ્વામીનારાયણ મંદિરની ગતિવિધિઓને શંકાસ્પદ નજરે જોવાઈ રહી છે. સ્વામીની માફિયા સાથેની સાંઠગાઠની તપાસ શરૂ કરી હતી. એટલુ જ નહી પરંતુ દેશ વિરોધી તત્વો કે સંગઠનોની સંડોવણી અંગે તપાસ શરૂ કરવામાં આવી છે. 
સાધુ રાધારમણ સહિત 5 શખ્સો ચાર દિવસના રિમાન્ડ પર મોકલવામાં આવ્યા છે. નકલી નોટ મુદ્દે વિવિધ દિશામાં તપાસનો ધમધમટા થતા અવનાવા રહસ્યો ખુલી રહ્યા છે નકલી નોટોનો કારોબાર કરનાર મુખ્ય સુત્રધાર પ્રવિણે મોહન મારફતે સ્વામીનો કર્યો સંપર્ક હોવાનું પોલીસ તપાસમાં સામે આવી રહ્યુ છે. 

સ્વામિ રાધારમણનું વડતાલ કનેક્શન સામે આવ્યું

વડતાલના દેવસ્વામીએ અંબાવ આશ્રમનું ખાતમુહૂર્ત કર્યું હતું તેની તસવરીરો વડતાલની વેબસાઇટ ઉપર છે. ખાતમુહૂર્ત ફોટાને કારણે વડતાલ સ્વામિનારાયણ મંદિર પણ શંકાના ઘેરામાં આવી રહ્યુ છે. રાધારમણ સ્વામી વડતાલ સંપ્રદાય સાથે જોડાયેલા હોવાનો ઘટસ્ફોટ થતાં પોલીસ તપાસના છેડા વડતાલ સુધી લંબાયા છે. અંબાવના રાધા રમણસ્વામીના વડતાલ કનેકશનના ફોટો વાયરલ થઈ રહ્યા છે. 2015માં ખાતમુહૂર્ત કરતા વડતાલ મંદિરના ચેરમેન સાથેના ફોટો વાયરલ થયા છે. 
  
રાધા રમણસ્વામી વડતાલમાં રહી ચુક્યા છે કોઠારી

રાધા રમણસ્વામી વડતાલ તાબાના બે મંદિરમાં કોઠારી  રહી ચૂક્યા છે. વડોદરાના કલાલીમાં પણ ફરજ બજાવી ચૂક્યા છે. આણંદના સ્વામીનારાયણ વિરસદ મંદિરમાં ફરજ બજાવી  ચૂક્યા છે. આજે વિવિધ કેન્દ્રીય તપાસ એજન્સી દ્વારા આશ્રમની તપાસ થવાની શક્યતાઓ સેવાઈ રહી છે. 

( દરોડા / ખેડાના ગળતેશ્વર સ્વામિનાયારાયણ મંદિરમાં સુરત ક્રાઈમ બ્રાંચના દરોડા, રાધારમણ સ્વામીની ધરપકડ )

શું હતો મામલો?

ખેડાના ગળતેશ્વરના સુધીની મુવાડીના સ્વામિનારાયણ મંદિરમાં સુરત ક્રાઈમ બ્રાન્ચે દરોડા પાડીને 50 લાોખની નકલી નોટો ઝડપી પાડી હતી. મંદિરમાં પોલીસને બે હજારના દરની નકલી નોટ મળી છે. પોલીસે મંદિરના રાધા રમણ સ્વામીની ધરપકડ કરી છે. પોલીસે લાખોની રોકડ અને મશીન જપ્ત કરીને આગળની કાર્યવાહી હાથધરી છે. જેમાં મંદિરના સ્વામી રાધારમણની ધરપકડ કરવામાં આવી હતી.