સુરત / પુણાની સુમન શાળાએ બાળકોને એડમિશન ન આપતા વાલીઓમાં રોષ

ઉલ્લેખનીય છે કે, સુરત શહેરમાં નગર પ્રાથમિક શિક્ષણ સમિતિની અનેક શાળાઓ આવેલી છે પરંતુ તમામ શાળાઓ ધોરણ 8 સુધીની છે એટલે કે વિદ્યાર્થી ધોરણ 8 પાસ કર્યા બાદ જે તે શાળાની નજીકમાં નિયત કરવામાં આવેલી શાળામાં તેણે ધોરણ 9 નું એડમિશન લેવાનું હોય છે. 

આવી જ રીતે પુણા વિસ્તારમાં આવેલી નગર પ્રાથમિક શિક્ષણ સમિતિની શાળામાં અભ્યાસ કરતા બાળકોએ સુમન શાળા ખાતે એડમિશન લેવાનું હોય છે. આ વખતે 12 જેટલા વિદ્યાર્થીઓ ધોરણ 8 પાસ કરી જ્યારે સુમન શાળામાં એડમિશન લેવા ગયા ત્યારે તેમને મેરિટનું બહાનુ બતાવી ગરીબ બાળકોને એડમિશન આપવાની ના પાડી દેવામાં આવી છે.

ત્યારે હાલ આ તમામ બાળકોનું ભાવિ અધરમાં લટકી ગયં છે આ સમગ્ર મામલો જીલ્લા શિક્ષણ અધિકારીની કચેરીએ ન્યાય માંગવા પહોંચ્યા છે ત્યારે આવા ગરીબ બાળકોને એડમિશન નહીં મળે તો આવા ગરીબ બાળકો ક્યાં અભ્યાસ કરશે એ એક મોટો પ્રશ્ન ઉપસ્થિત થયો છે.