વિવાદ / મહિલાઓને અન્યાય ક્યાં સુધી? સુરતમાં સ્મીમેર હોસ્પિટલમાં મહિલાઓને કાયમી કરવા નિર્વસ્ત્ર કરાઈ

• સ્મીમેર હોસ્પિટલના વિવાદનો મામલો
• કોંગ્રેસના કાર્યકરોએ સ્મીમેર હોસ્પિટલ પહોંચીને કર્યા સૂત્રોચ્ચાર
• મહિલાકર્મીની શારીરીક તપાસને લઈને કર્યો વિરોધ
• મહિલાઓ પર અત્યાચાર બંધ કરોના નારા લગાવ્યા

સુરતની સ્મીમેર હોસ્પિટલ ફરી વિવાદમાં આવી છે. મહિલા કર્મચારીઓને કાયમી કરવાની પ્રક્રિયાને લઇ વિવાદ થયો છે. સુરતમાં સ્મીમેર હોસ્પિટલમાં મહિલાઓ કર્મચારીઓને કાયમી કરવા માટે નિર્વસ્ત્ર કરી ફિઝિકલ ટેસ્ટ લેવાયો. જેને લઇ મહિલા કર્મચારીઓએ કર્મચારી મહામંડળમાં ફરિયાદ કરી છે. અને પાલિકા યુનિયને પણ પાલિકા કમિશનરને ફરીયાદ કરી છે. 

શું કહ્યુ હોસ્પિટલ સુપ્રિટેન્ડે?

વિવાદ થતા સ્મીમેર હોસ્પિટલના સુપરિટેન્ડેન્ટ વૈશાલી દેસાઇએ કહ્યું કે અત્યાર સુધી આવી કોઇ ફરિયાદ મળી નથી. જો તે આ મામલે તપાસ માટે કમિટીની રચના કરી છે.  અને આ ઘટનાની ગંભીર નોંધ લેવાઇ છે. પ્રોટોકોલ પ્રમાણે આવુ થતું નથી અને ભવિષ્યમાં તપાસમાં આવું ન થાય તેનું પણ ધ્યાન રખાશે. ચાર હજારથી વધુ કર્મચારીઓને અત્યાર સુધી ફિટનેસ સર્ટી અપાયા છે. તપાસ રિપોર્ટ SMC કમિશનરને સોંપવામાં આવશે. ત્યારે અહિંયા સવાલ એ છે કે ક્યાં સુધી મહિલાઓ સાથે આવું વર્તન થતું રહેશે?. ફિઝિકલ ટેસ્ટ લેવાની આ કઇ પદ્ધતિ છે?. શું મેયર અને કમિશનર જવાબદારો સામે પગલા લેશે?. અને ટેસ્ટ કરવા માટે ટેસ્ટ માટે મહિલાઓને નિર્વસ્ત્ર શા માટે કરાવામાં આવે છે?.

કોંગ્રેસ કર્યો વિરોધ

સુરતની સ્મીમેર હોસ્પિટલમાં મહિલા કર્મચારીઓના ફિઝિકલ ટેસ્ટને લઇ કોંગ્રેસના કાર્યકરો આક્રમક મુડમાં આવી ગયા છે મોટી સંખ્યામાં કોંગ્રેસના કાર્યકરોએ સ્મીમેર હોસ્પિટલ પહોંચ્યાં હતા અને હોબાળો મચાવ્યો હતો. મહિલાકર્મીની શારીરિક તપાસને લઇ રોષે ભરાયેલા કોંગ્રેસના કાર્યકરોએ હોસ્પિટલમાં સૂત્રોચ્ચાર કર્યા હતા...અને મહિલાઓ પર અત્યાચાર બંધ કરો ના નારા લગાવ્યાં હતા.

ભાજપમાં માત્ર સ્ત્રી સશક્તિકરણની વાતો જ થાય છે

સ્મીમેર હોસ્પિટલમાં વિવાદને લઇ કોંગ્રેસ કોર્પોરેટર વિજય પાનસેરિયા અને વિપક્ષ નેતા પ્રફૂલ તોગડિયાએ સવાલ ઉઠાવ્યા. વિજય પાનસેરિયાએ કહ્યું કે જે ફિઝિકલ ટેસ્ટ લેવામાં આવ્યો તે ગોપનીય હોવી જોઇએ. જે નથી જળવાઇ. જેને લઇ અમે કમિશનરને રજૂઆત કરીશું. તો વિપક્ષ નેતા પ્રફૂલ તોગડિયાએ ભાજપ પર આકરા પ્રહાર કરતા કહ્યું કે ભાજપમાં માત્ર સ્ત્રી સશક્તિકરણની વાતો જ થાય છે.

15 દિવસમાં આ કમિટી રિપોર્ટ રજૂ કરશે

સુરતની સ્મીમેર હોસ્પિટલમાં મહિલા કર્મચારીઓના ફિઝિકલ ટેસ્ટને લઇ થયેલા વિવાદ પર SMCના ડેપ્યુટી કમિશનરે કહ્યું કે ફરિયાદની ગંભીરતાને લેતા ઉચ્ચસ્તરીય કમિશનરની નિમણૂક કરાઇ છે. અને 15 દિવસમાં આ કમિટી રિપોર્ટ રજૂ કરશે.

શું છે મામલો?  

• સુરતની સ્મીમેર હોસ્પિટલમાં મહિલાઓને કાયમી કરવાને લઇ ફિઝિકલ ટેસ્ટ લેવાયો
• મહિલા કર્મચારીઓને કાયમી કરવાની પ્રક્રિયાને લઇ વિવાદ થયો
• મહિલાઓને નિર્વસ્ત્ર કરી ફિઝિકલ ટેસ્ટ લેવાયો 
• કર્મચારી મહિલાઓએ કર્મચારી મહામંડળને ફરિયાદ કરી
• પાલિકા યુનિયને પાલિકા કમિશનરને ફરિયાદ કરી
• વિવાદ થતા સ્મીમેર હોસ્પિટલે તપાસની કમિટી રચના કરી
• તપાસ રિપોર્ટ SMC કમિશનરને સોંપવામાં આવશે
• 15-20 દિવસમાં રિપોર્ટ તૈયાર કરાશે