FRC / સુરતમાં શિક્ષણનો વેપલો: વાલીઓની પુરાવા સાથે રજૂઆત, પણ નઘરોળ હજુ નિદ્રામાં

• DEO સામે વાલીઓનો રોષ
• શું કરે છે DEO? શું કરે છે FRC?
• પૂરાવા સોપાયા કાર્યવાહી કેમ નહીં?

સુરતના જિલ્લા શિક્ષણ અધિકારી સામે વાલીઓની નારાજગી જોવા મળી રહી છે. એચ.એચ.રાજ્યગુરુ સામે વાલીઓમાં રોષ ભભૂકી ઉઠ્યો છે. મેટાંસ એડવાન્સિટંસ સ્કૂલના સંચાલકો ડોનેશન ઉઘરાવતા હોવાનો આરોપ. સંચાલકો વાલીઓ પાસેથી ખુલ્લેઆમ ડોનેશન ઉઘરાવે  છે. 

DEO ભ્રષ્ટાચારીઓને છાવરી રહ્યા હોવાનો વાલીઓનો આક્ષેપ

સુરતમાં વાલીઓએ આ અંગેના પુરાવા અને રિસિપ્ટ DEOને સોપી ચૂક્યા છે. પુરાવા સોપાયા હોવા છતાં પણ હજુ સુધી કોઈ કાર્યવાહી કરવામાં નથી આવી. FRC અને DEO એકબીજાને આપી ખો આપી રહ્યા છે. DEO ભ્રષ્ટાચારીઓને છાવરી રહ્યા હોવાનો વાલીઓનો આક્ષેપ છે. 

ઉઠી રહ્યા છે સવાલો 

• શિક્ષણ મોંઘુ કરતાં શાળા સંચાલકો સામે ક્યારે લેવાશે પગલા?
• શિક્ષણના થતાં વેપલા પર ક્યારે આવશે અંકુશ?
• FRCની નિયત કરેલી ફી બાદ ડોનેશનનો શું અર્થ છે?
• ખૂલ્લેઆમ ડોનેશન ઉઘરાવતા સંચાલકોને DEOનો નથી ડર?
• ડોનેશનની રિસિપ્ટનો પુરાવો રજૂ કર્યાં બાદ પણ કાર્યવાહી કેમ નહીં?
• શું DEOની રહેમ નજર નીચે જ ચાલે છે શિક્ષણનો વેપલો?
• સારૂ શિક્ષણ આપવા માંગતા મધ્યમવર્ગના વાલીઓની વેદના ક્યારે સમજશે તંત્ર?