સુરતમાં અને દેશમાં વધી રહેલી બળાત્કારની ઘટનાઓને લઈને હવે મહિલાઓ સચેત બની છે. મહિલાઓ દ્વારા હાલ સેલ્ફ ડિફેન્સની ટ્રેનિંગ લેવામાં આવી રહી છે જેનું મુખ્ય કારણ છે કે, હાલ દેશમાં હૈદરાબાદ અને ઉન્નાવની ઘટનાથી મહિલાઓ અને યુવતીઓમાં રોષ જોવા મળી રહ્યો છે. ત્યારે હાલ મહિલાઓ પોતાની સુરક્ષા જાતે કરે તે પ્રકારની તૈયારીઓ કરી રહી છે.
વર્ષ 2019માં સુરત શહેરમાં બળાત્કારના ૨૦થી વધુ કિસ્સાઓ નોંધાયા છે. ત્યારે આ કિસ્સાઓને કારણે સુરતની મહિલાઓ યુવતીઓ અને તરુણીઓ ચિંતામાં છે છાશવારે બનતી બળાત્કારની ઘટનાઓમાં બની રહી છે. અને તેમાં મહિલા અને તેના પરિવારને સહન કરવાનો વારો આવે છે. ત્યારે હવે મહિલાઓ પોતાની રક્ષા જાતે કરવા માગે છે જેના કારણે તેમને સમાજમાં શોષાવું ન પડે..અને તેના કારણે જ હવે મહિલાઓ ઈંટનો જવાબ પથ્થરથી આપવા માટે સજ્જ થઈ રહી છે સુરતના ડિંડોલી વિસ્તારમાં સેવા ટ્રસ્ટ દ્વારા આબાલ-વૃદ્ધ સૌ મહિલાઓને સેલ્ફ ડિફેન્સની ટ્રેનિંગ આપવામાં આવી રહી છે.
જેનું મુખ્ય કારણ છે કે, જે તે સમયે મહિલાઓ ઉપર કોઈપણ વ્યક્તિ હિચકારો હુમલો કરે કે શારીરિક છેડતી કરે તે સમયે મહિલા તેનો જવાબ આપી શકે.આ મહિલાઓને કેવી રીતે સ્વરક્ષણ કરવું તેની ખાસ તાલીમ અપાઈ રહી છે.અને સાથે સાથે સરકારી હેલ્પલાઈનનો કેવી રીતે ઉપયોગ કરવો તે પણ સમજાવવામાં આવી રહ્યું છે.આ તાલીમમાં જે તે વિસ્તારના પોલીસ ઇન્સ્પેક્ટરો પણ જોડાઈને મહિલઓને જરૂરી જાણકારી પુરી પાડી રહ્યા છે.
સુરત શહેર શરૂ કરવામાં આવેલી ટ્રેનિંગમાં જે યુવતીઓ ભાગ લઈ રહી છે. યુવતીઓ જણાવી રહી છે કે, અમારે હૈદરાબાદ કે, નિર્ભયા નથી બનવું અમારા મૃત્યુ પછી કોઈ અમને ન્યાય અપાવે એ અમને મંજૂર નથી અમે ફક્ત અમર જીવતા જ ન્યાય લેવા માંગે છે અને કોઈ પણ વ્યક્તિ અમારી છેડતી કરે તે અમે ચલાવી લેવા માંગતા નથી.તેથી જ અમે સેલ્ફ ડિફેન્સની ટ્રેનિંગ લઈ રહ્યા છે..અને તમામ મહિલાઓ અને યુવતીઓને આહવાન કરીએ છીએકે તેઓ પણ બાપડા બિચારા ન કહેવાય તે પ્રકારે આ તાલીમ લે.અને સમાજમાં રહેલા ખરાબ માણસોને તેઓ જાતે જ દંડ આપે.
સુરતમાં 11 મહિનામાં 20થી વધુ બળાત્કારની ઘટના બની છે.અને હાલ દેશમાં રોજ બરોજ આ પ્રકારની ઘટનાઓ બની રહી છે.તેથી હવે મહિલાઓ અત્યાચાર સહન કરવા તૈયાર નથી.અને તેઓ સમાજમાં રહેલો કચરો કે જે મહિલાઓની આબરુ સાથે રમત કરતા વિચાર તો નથી તેને તેના ઈરાદામાં સફળ ન થવા દેવાની ટ્રેનિંગ લઈ રહી છે.ત્યારે હવે દેશની તમામ યુવતીઓને પણ અપીલ છે કે તેઓ પોતાની રક્ષા જાતે કરે તે પ્રકારની તાલીમ લેવી જોઈએ.