સુરત મહાનગર પાલિકાની યશ કલગીમાં વધુ એક મોરપિચ્છનો ઉમેરો થયો છે. એશિયાની 30 રિઝિલિયન્સ સિટીમાંથી 8 સિટીની પસંદગી કરવામાં આવી હતી. જેમાં સુરતનો પણ સમાવેશ કરવામાં આવ્યો છે. જેના પગલે સુરતને વિકાસ માટે જ્યારે પણ ફંડની જરૂર પડે ત્યારે વિશ્વ પાસેથી ફંડ મેળવી શકાશે. મહત્વનું છે કે, કોરોના વાયરસ જેવી ખતરનાક મહામારી પ્લેગમાંથી સુરત થોડા જ સમયમાં ફરી બેઠું થયું હતું.
રિઝિલિયન્સ સિટીમાં સુરતનો સમાવેશ
એશિયાની 30 સિટીમાં સુરતને મળ્યું સ્થાન
30 હજાર કરોડની મળશે આર્થિક સહાય
રિઝિલિયન્સ સીટી એટલે કોઈપણ આપત્તિ સામે લડી અને ઝડપી ઉભરી આવતું શહેર એટલે સુરત. સુરત શહેર પ્લેગ અને પુર જેવી કુદરતી આપત્તિઓ સહન કરીને થોડાક જ સમયમાં ફરીથી બેઠું થયું હતું. જેને લઇને સુરતનો રિઝિલિયન્સ સિટીમાં સમાવેશ કરવામાં આવ્યો છે.
હવે સુરત માટે વિશ્વ પાસેથી પણ આર્થિક સહાયનો માર્ગ મોકળો થયો છે. 30 હજાર કરોડની આર્થિક મદદ સુરતને મળી શકશે. સિંગાપોરની અર્બન ગવર્નન્સ માટેની ટેમાસેક ફાઉન્ડેશન સંસ્થા ફંડ માટે સુરત મહાનગર પાલિકાને મદદ કરશે.
તાપી શુદ્ધિકરણ, ક્લીન એર સહિત પર્યાવરણના અનેક પ્રોજેકટને વેગ મળશે
હવા, પાણી અને પર્યાવરણ સુરક્ષા માટે મળશે આર્થિક મદદ સુરતને મળી શકશે. તાપી શુદ્ધિકરણ, ક્લીન એર સહિત પર્યાવરણના પ્રોજેકટ માટે વિશ્વની મદદ મળતા વિકાસની ગતિ વધે તેવા સંજોગો બન્યા છે. રૂ.30 હજાર કરોડ સુધી મદદ મળતા સુરતનો વિકાસ રોકેટ ગતિએ થશે.
કોરોના વાયરસ જેવી ખતરનાક મહામારી પ્લેગમાંથી સુરત થોડા જ સમયમાં ફરી બેઠું થયું હતું
મહત્વનું છે કે, કોરોના જેવી ખતરનાક મહામારીમાંથી સુરત બેઠું થયું હતું. 1994માં રાજ્યના સુરતમાં ત્રાટકેલા મરકીના રોગચાળાએ અનેક લોકોના જીવ લીધા હતા અને ૩ લાખ લોકો ભયભીત થઈને સ્થળાંતર કરી ગયા હતા. ત્યારે આ મહામારી બાદ થોડા જ સમયની અંદર સુરત ફરી બેઠું થઇ ગયું હતું.