અર્થતંત્ર / સુરતમાં રિયલ એસ્ટેટ ક્ષેત્ર છેલ્લા 3 વર્ષથી ગંભીર મંદીના ભરડામાં ; આંકડા આંખો ખોલી દેશે

• રેરા, નોટબંધી અને GSTની સંયુક્ત અસરો આ માટે જવાબદાર 
• સ્થિતિ સુધરતા હજુ એક વર્ષ લાગી શકે છે નિષ્ણાતો 

બિલ્ડરોના મતે આ કપરી હાલત માટે રેરા, નોટબંધી અને GSTની સંયુક્ત અસરો જવાબદાર છે. 

એક સમયે સુરત ભારતનું સૌથી ઝડપી દરથી વિકસી રહેલું શહેર હતું. સુરતનું રિયલ એસ્ટેટ સેક્ટર 12%ના દરે વધી રહ્યું હતું. અમદાવાદ જેવા શહેરમાં પણ આ દર 8% હતો. 

સુરતના Confederation of Real Estate Developers Association of Indiaના એક પૂર્વ સભ્યએ જણાવ્યું હતું કે શહેરમાં રિયલ એસ્ટેટના કુલ નાણાંના 40% હિસ્સો બહારના ઇન્વેસ્ટમેન્ટ વડે આવતો હતો. રેરા, નોટબંધી અને GST પછી આ ઇન્વેસ્ટમેન્ટ બંધ થઇ ગયું છે. અલગ અલગ પ્રકારના હાઉસિંગ પ્રોજેક્ટ્સની માંગમાં ઘટાડો થઇ ગયો છે. પોસાય એવા ઘરોના પ્રોજેક્ટ્સ પણ એપ્રુવ થઇ ગયા બાદ બની રહ્યા નથી. 

શહેરની એક પ્રોપર્ટી કન્સલ્ટેશન ફર્મના ચેરમેને જણાવ્યું હતું કે શહેરમાં ઝડપથી ઘટી રહેલી નોકરીની તકોના કારણે માંગમાં ઘટાડો થયો છે. ઇન્વેસ્ટર્સ ફરી એક વખત રિયલ એસ્ટેટમાં રોકાણ શરૂ કરે તે ખૂબ જરૂરી છે. આ માટે સરકારી પોલિસીઓ ઉપર ઘણો આધાર છે. શહેરને તેનું રિયલ એસ્ટેટ ક્ષેત્ર ફરી એક વખત બેઠું કરતા આશરે એક વર્ષ થશે તેમ લાગે છે.