ચકચાર / હાથરસની શ્યાહી હજી સૂકાઇ નથી ત્યાં સુરતમાં યુવતી સાથે બની કાળજું કંપાવતી ઘટના

• માનવતા શર્મશાર કરતી ઘટના
• ઘાયલ હાલતમાં મળી આવી યુવતી
• યુવતીના પ્રાઇવેટ પાર્ટમાં ગંભીર ઇજા

ઉલ્લેખનીય છે કે, અહીં મોડી રાતે ગંગાધરા રેલવે ફાટક નજીક 30 વર્ષની  યુવતી ઇજાગ્રસ્ત હાલતમાં મળી આવી છે. યુવતીના પ્રાઈવેટ પાર્ટસમાં ગંભીર ઇજા પહોંચી હોવાથી તબીબો દુષ્કર્મની આશંકા સેવી રહ્યાં છે. હાલ યુવતી સુરત સિવિલ હોસ્પિટલમાં સારવાર હેઠળ છે.

યુવતી સાથે દુષ્કર્મ આચરવામાં આવ્યું

નોંધનીય છે કે,  યુવતી સાથે દુષ્કર્મ આચરવામાં આવ્યું હતું અને તે હાથ અને પગમાં ફ્રેક્ચર થયેલી હાલતમાં મળી આવી હતી. તેના હોઠ ઉપર ઘાવ હતા તો પ્રાઇવેટ પાર્ટમાંથી લોહી વહી રહ્યું હતું. ગંભીર હાલતમાં દવાખાને લવાયેલ યુવતીનો ઉપચાર કરનારા હોસ્પિટલના ચીફ મેડિકલ ઓફિસર ડોક્ટર ઓમકાર ચૌધરીએ જણાવ્યું કે, છોકરીના શરીર પણ ઘણા ઘાવ મળી આવ્યા છે. 

શરીરમાં 3 ફ્રેક્ચર મળી આવ્યા

તેમણે વધુમાં જણાવ્યું કે, તેના શરીરમાં 3 ફ્રેક્ચર મળી આવ્યા છે. તેના ગુપ્તાંગમાં પણ મેજર ઇન્જરી જોવા મળી છે. માટે આ કોઇ એક્સિડન્ટની ઘટના નથી. યુવતી સાથે કાંઇક ખોટું થયાની આશંકા છે. 

અમદાવાદમાં પણ બની બળાત્કારની ઘટના 

સમગ્ર દેશમાં દીકરીઓ સુરક્ષિત નથી તેમ કહીએ તો ખોટું નથી. કારણ કે હાથરસની ઘટનાએ ફરી એકવાર સમગ્ર દેશને એક કરી દીધો છે. 2012નો નિર્ભયા કાંડ જેને આ દેશ ક્યારેય ભૂલી શકે તેમ નથી. તો આ દેશમાં રોજે રોજ અનેક દીકરીઓ બળત્કારનો ભોગ બને છે. આપણું ગુજરાત આમ તો સુરક્ષિત કહેવાય છે. પરંતુ હવે સુરક્ષિત રહ્યું નથી તેમ કહેવામાં જરા પણ અતિશ્યોક્તિ નથી. રોજબરોજની ઘટનાઓમાં દુષ્કર્મની ઘટનાઓ પણ સામે આવતી રહે છે. ત્યારે અમદાવાદના આનંદનગરમાં 14 વર્ષની સગીરા સાથે દુષ્કર્મની ઘટના સામે આવી છે.  આનંદનગરમાં 14 વર્ષની સગીરાને ફોસલાવીને શખ્સે દુષ્કર્મ આચર્યુ હતું. અમદાવાદ પોલીસે આરોપીને ઝડપી પાડ્યો હતો. પોલીસ દ્વારા વધુ કાર્યવાહી હાથ ધરવામાં આવી છે.

ગઇકાલે અમદાવાદમાં 6 વર્ષની બાળકી સાથે દુષ્કર્મની ફરિયાદ નોંધાઇ

મહત્વનું છે કે, ગઇકાલે પણ અમદાવાદમાં છ વર્ષની બાળકી પર દુષ્કર્મની ઘટના સામે આવી હતી. દાણીલીમડા વિસ્તારમાં રહેતી છ વર્ષની બાળકી પર દુષ્કર્મ આચરવામાં આવ્યું હતું. વાસ્તવમાં તો એક અજાણ્યો યુવાન આ છ વર્ષની બે બાળકીઓને લઈ ગયો હતો. એક બાળકી પર દુષ્કર્મ કર્યુ ત્યારે બીજી બાળકી ભાગી જવામાં સફળ રહી હતી. અજાણ્યો યુવાન આંગણે રમી રહેલી બે બાળકીઓને બિસ્કિટની લાલચ આપી લઈ ગયો હતો. બાદમાં બાળકીને યુવકે છોડી દેતા તે બાળકીએ ઘરે આવીને માતાને દુષ્કર્મ થયાની વાત કરી હતી. બાળકીની માતાએ તેના પર દુષ્કર્મ કરનારની ધરપકડ માટે ફરિયાદ દાખલ કરી હતી. પોલીસે હાલ તપાસ હાથ ધરી છે.