બ્રાંચ મેનેજર નવીન ડોખિયાએ કહ્યું કે, 'આ ગરબડી અમારી બ્રાન્ચમાં છે અને અમે તુરંત જ તેને ઠીક કરી દીધેલ છે. બુર્ખા શબ્દને લઇને સમસ્યા સર્જાઇ હતી. જેથી અમે તેને સ્કાર્ફ દ્વારા બદલી નાખેલ છે. અમે ખોટા શબ્દનો ઉપયોગ કર્યો હતો.'
ગુજરાતનાં સુરતમાં બેંક ઓફ બરોડાની એક શાખાનું ફરમાન વિવાદોમાં આવી ગયું. બેંકે હેલ્મેટ અથવા તો બુર્ખો પહેરીને એન્ટ્રી પર પ્રતિબંધ લગાવી દીધો હતો. બેંકની અંબાજી રોડ સ્થિત બ્રાન્ચની મેઇન એન્ટ્રી પર એક નોટિસ લગાવવામાં આવી હતી. જેનાં પર લખવામાં આવ્યું હતું કે, "પોતાનો બુર્ખો અથવા તો હેલ્મેટને મોં પરથી હટાવી દેવો.
બુર્ખા અથવા હેલ્મેટ સાથે હવેથી બેંકમાં એન્ટ્રી નહીં કરવી.' રસપ્રદ વાત તો એ છે કે આ બેંક સુરતનાં જે વિસ્તારમાં સ્થિત છે ત્યાં મુસ્લિમોની ખૂબ મોટી આબાદી છે. સૂત્રોનાં જણાવ્યા અનુસાર, આ બેંકનાં 50 ટકા ગ્રાહકો મુસ્લિમ છે. 'બુર્ખા એન્ટ્રી બૈન'ને લઇને બેંકની નોટિસની તસ્વીર પણ સોશિયલ મીડિયા પર વાયરલ થયા બાદ ત્યાનાં સ્થાનીક લોકોએ ખૂબ તેનો વિરોધ કર્યો.
લોકોનો વિરોધ વધતો જોઇને બેંકનાં અધિકારીઓએ નોટિસમાંથી 'બુર્ખા' શબ્દને હટાવીને 'સ્કાર્ફ' શબ્દ કરી નાખ્યો. હવે હિંદીમાં લાગેલી આ નોટિસમાં લખવામાં આવ્યું કે, 'શાખા અને એટીએમમાં હેલ્મેટ/સ્કાર્ફ પહેરીને આવવાની મનાઇ છે.' બ્રાન્ચ મેનેજર નવીન ડોખિયાએ કહ્યું કે, 'આ ભૂલ અમારી બ્રાન્ચમાં થઇ છે અને અમે તેને તુરંત ઠીક કરી દીધેલ છે.
બુર્ખા શબ્દને લઇને આ વિવાદ ઉભો થયો હતો. જેથી અમે તેને સ્કાર્ફ કરી નાખેલ છે. અમે ખોટાં શબ્દનો ઉપયોગ કર્યો હતો. અમે સુરક્ષાનાં કારણોને ધ્યાને રાખીને આ નિર્દેશ રજૂ કર્યો હતો. આવું એટલાં માટે કેમ કે અમે સ્કાર્ફ પહેરીને શાખામાં આવનારા લોકોની ઓળખ નથી કરી શકતાં.'
જો કે તમને જણાવી દઇએ કે સુરતનાં સ્થાનીય મુસ્લિમોનાં સંગઠન વર્સેટાઇલ મૉઇનૉરિટી ફોરમે બેંક તરફથી માફી માંગવાનું પણ કહ્યું તેમજ સંગઠનનાં અધ્યક્ષે સ્પષ્ટતા કરતા જણાવ્યું કે, 'બુર્ખાનો મતલબ સીધો જ મુસ્લિમ મહિલાઓ સાથે છે. જેથી તેઓએ નોટિસ પર લખવું જોઇએ કે ચહેરા ઢાંકીને બેંકમાં આવનારને એન્ટ્રી નહીં આપવામાં આવે.'