ધરપકડ / સુરતમાં દિવાળી સમયે પેટ્રોલિંગમાં એટલો ગાંજો મળ્યો કે પોલીસ પણ ચોંકી ગઈ

• સુરત પોલીસે અફીણ અને ગાંજાનો જથ્થો ઝડપી પાડ્યો 
• ગાંજા- અફીણના જથ્થા સાથે ત્રણ શખ્સોની ધરપકડ
• 1કિલો 190 ગ્રામ અફીણ અને 9 કિલો ગાંજો જપ્ત

સુરત જાણો ગુનાખોરીનું કેન્દ્ર બની ગયું હોય એણ છાશવારે ગુખાખોરીના કિસ્સાઓ આવતા જોવા મળે છે, ત્યારે સુરત પોલીસે ગાંજા અને અફીણની હેરાફેરી કરતા ત્રણ શખ્સોની ધરપકડ કરી છે. પૂણા પોલીસે તેમની પાસેથી 1 કિલોથી વધુ અફીણ અને 9 કિલો ગાંજો જપ્ત કરી વધુ તપાસ હાથ ધરી છે. 

ગાંજા- અફીણના જથ્થા સાથે ત્રણ શખ્સોની ધરપકડ

અફિણ અને ગાંજાની હેરાફેરી કરતા આ શખ્સો અંગે બાતમી મળતા પોલીસે તપાસ હાથ ધરી હતી, જેમાં પુણા પોલીસે નિયોલ ચેક પોસ્ટ પાસેથી મુદ્દામાલ સાથે 3 આરોપીઓને ઝડપી પાડી આગળની કાર્યવાહી હાથ ધરી હતી. પોલીસે આરોપીઓ પાસેથી 1.190 ગ્રામ જેટલું અફીણ અને 9.96 કિલો ગાંજો ઝડપી પાડ્યો છે.

1કિલો 190 ગ્રામ અફીણ અને 9 કિલો ગાંજો જપ્ત

પૂણા પોલીસ દિવાળીના તહેવારને લઈને પેટ્રોલિંગ કરી રહી હતી ત્યારે કેટલાક શખ્સો પણ શંકા જતા તેમની પૂછપરછ હાથ ધરી હતી પોલીસને આ શખ્સોની હિલચાલ પર શંકા જતા તેમની તપાસ હાથ ધરતા ગાંજો અને અફીણ મળી આવ્યું હતું. હાલ તો પૂણા પોલીસે આ શખ્સો સામે ગુનો નોંધી આગળની તપાસ કાર્યલાહી હાથ ધરી છે, આ શખ્સો ક્યાથી ગાંજો અને અફીલ લાવ્યા હતા અને કોને કોને સપ્લાય કરવાના હતા તેને લઈને પણ પોલીસે તપાસ શરૂ કરી છે. 

પોલીસે મુદ્દામાલ જપ્ત કરી તપાસ શરૂ કરી

મહત્વનું છે કે પૂણા પોલીસને બાતમી મળી હતી કે કેટલાક ઇસમો અફિણ અને ગાંજો લઈને સુરતમાં નિયોલ પાટિયા પાસેથી પ્રવેશનાર છે. જેના આધારે પુણા પોલીસે નિયોલ પાટિયા પાસે વોચ ગોઠવી હતી અને પેટ્રોલિંગની કામગીરી હાથ ધરી હતી જેમાં મોટી માત્રામાં ગાંજો અને અફીણ મળી આવ્યા હતા.