સુરત / પુણા પોલીસનો ગયો પિત્તો, બસમાંથી એવી વસ્તુ મળી આવી કે તમામ 45 મુસાફરોને કર્યા જેલભેગા, જાણો કારણ

• સુરતમાં પુણા પોલીસે બસમાંથી દારૂ સાથે પેસેન્જરોની ધરપકડ
• બસના તમામ પેસેન્જરોના બેગમાંથી મળી આવ્યો વિદેશી દારૂ.
• પસેન્જરો પાસેથી કુલ વિદેશી દારૂનું 265 બોટલો મળી આવી

સુરતમાં બસમાંથી દારૂ સાથે પેસેન્જર્સની ધરપકડ

ગુજરાતમાં ભલે દારૂબંધી હોય પણ ગુજરાતીઓ દારૂ પીવા આસપાસના રાજ્યો અને દીવ-દમણ પહોંચી જ જાય છે. પાર્ટીના બહાને દારૂ પીને આવે છે. અને પરત વળતી વેળાએ સાથે એક આદ બે બોટલ લેતા પણ આવે છે. પણ સુરતમાં પોલીસે એક બસને અટકાવીને ચેકિંગ કર્યું તો ખુદ પોલીસ પણ ચોંકી ગઈ.

પુણા પોલીસે 7 મહિલા સહિત 45 પેસેન્જર્સની કરી ધરપકડ

પુણા પોલીસને પેટ્રોલિંગ હતી તે દરમિયાન બાતમી મળી હતી કે, મહુવા ગોળીગઢ બાપાના મંદિરેથી દમણ જઈ ત્યાંથી દારૂ લાવે છે.જેથી પોલીસે સગરામપુરા પાસેથી બસને અટકાવી હતી. અને તલાશી હાથ ધરી હતી. તે દરમિયાન પોલીસને બસમાંથી તપાસ દરમિયાન એક બે નહીં પણ 265 બોટલ વિદેશી દારૂ મળ્યો હતો.આમ પુણા પોલીસે લક્ઝરી બસમાંથી 265 બોટલ વિદેશી દારૂ જપ્ત કરીને બસમાં સવાર 7 મહિલા સહિત 45 મુસાફરોની ધરપકડ કરી છે. 

બસના તમામ પેસેન્જરોના બેગમાંથી મળી આવ્યો વિદેશી દારૂ.

પોલીસ તપાસમાં સામે આવ્યું કે આ બસ દમણથી આવી રહી હતી. અને મુસાફરોએ દમણથી પરત ફરતા પોતાની સાથે વિદેશી દારૂની બોટલો લઈ લીધી હતી. પણ મુસાફરોને ક્યાં ખ્યાલ હતો કે પોલીસની નજર તેમના પર પણ હશે. દમણ જેવી જ દારૂની પાર્ટી ઘરે માણવાના સપના જોઈ રહેલા મુસાફરો હાલ તો પોલીસના સકંજામાં આવ્યા છે.