કુખ્યાત / સુરત પોલીસનું ઓપરેશન GHOST સફળ: 21 વર્ષથી છૂપીને બેઠેલા ખૂંખાર આરોપીને ફિલ્મી ઢબે પકડ્યો, 21 ગુનામાં હતો વોન્ટેડ 

• સુરતમાં વોન્ટેડ આરોપી ઝડપાયો
• આરોપી 21 ગુનામાં વોન્ટેડ હતો 
• ઓપરેશન GHOST રહ્યું સફળ
   

સુરત પોલીસ કમિશનર અજય કુમાર તોમર દ્વારા  સુરત શહેરનાઓએ સુરત શહેરને ‘ક્રાઈમ ફ્રી' બનાવવા ની નેમ લીધેલ છે. જે અનુસંધાને લાંબા સમયથી નાસતા ફરતા આરોપીઓની યાદી બનાવી તેઓને ઝડપી પાડી ન્યાય તંત્ર સુધી પહોચાડવા કાર્યવાહી કરવામા આવી રહી છે.જેમાં સુરત ક્રાઈમ બ્રાચની અલગ-અલગ ટીમો બનાવી આવા આરોપીઓને શોધી કાઢવા ઓપરેશન હાથ ધરવામા આવેલું હતું. જે પૈકી અગાઉ  હથિયાર સાથે ૪-૪ ખુન, ખુનની કોશિશ, ધાડ, લુંટ, ખંડણી જેવા ગુનાઓમાં પક્ડાયેલ આરોપી પ્રવિણ રાઉત ઘણા લાંબા સમયથી નાસતો ફરતો હોય તેને ટાર્ગેટ તરીકે પસંદ કરી સુરત ક્રાઈમ બ્રાંચના પોલીસ ઇન્સ્પેકટર નાઓની નેજા હેઠળ ક્રાઇમ બ્રાંચના 02 PSI તથા સાથી કર્મીઓની ટીમો બનાવી ટાર્ગેટને ઝબ્બે કરવા ઓપરેશન “ઘોસ્ટ” (GHOST) હાથ ધરવામાં આવેલ હતું.

કઈ રીતે પાર પાડ્યું ઓપરેશન GHOST?
સુરત ક્રાઈમ બ્રાય દ્વારા ટેકનીકલ સર્વેલન્સ તેમજ હ્યુમન ઈંટેલીજન્સની મદદ થી આરોપીઓનુ સગડ મેળવવા પ્રયત્ન હાથ ધરવામાં આવ્યા હતા, જેમાં દરેક પાસાઓની તપાસ કર્યા બાદ ચોક્સ માહિતી મળી હતી કે આરોપી પ્રવિણ રાઉત તેના વતન બિહારમાં આવેલા ગો૨મા (ગો૨વન)ગામમાં છુપાઈને રહે છે,આ માહિતી આધારે ત્યાં વોચ ગોઠવવામાં આવી હતી, બિહાર રાજ્યના પોલીસની STF 1 બ્રાંચની મદદ મેળવી તેમની સાથે ત્યાં ધામા નાંખી સખત અને સતત પ્રયત્નો દ્વારા ઓપરેશન - ઘોસ્ટ હેઠળ કુખ્યાત અપરાધી  પ્રવીણ રાઉતને પકડી પાડવામાં આવ્યો છે, કુખ્યાત પ્રવીણ રાઉત ને ઝડપી પાડવા સુરત ક્રાઇમ બ્રાન્ચના પીએસઆઇ સહિતની ટીમે સતત આઠ દિવસ સુધી તેના ગામમાં રેકી રીને રહ્યા હતા કેટલાક તબક્કે ફ્રુટની લારી ચલાવવાનો પણ વેશ ધારણ કર્યો હતો કેટલાક પોલીસકર્મીઓ અસલ બિહારી બની ગયા હતા જેમાં બિહારી લોકો પહેરે છે તેવા કપડા લૂંગી કંચા સાથે પ્રવીણના ગામમાં રહ્યા હતા અને તેને ઝડપી પાડવામાં સફળતા મેળવી હતી

6 વર્ષથી પોલીસ પકડથી દૂર રહ્યો
પકડાયેલો આરોપી પોતાની ગેંગને બિહારમાં બેસીને ફોન મારફતે ઓપરેટ કરતો હતો,ગુજરાતનો લોરેન્સ બિશ્નોઈ બનીને સામે આવ્યો છે. આરોપીને કારણે બિલ્ડર અને અન્ય ઉદ્યોગ સાથે સંકળાયેલા અને ભોગબનેલાં વેપારીઓને પોલીસ કમિશનરે અપીલ કરી છે કે સામે આવો અને ફરિયાદ કરો, સુરત પોલીસ તમારી સાથે જ છે,એક ચર્ચા એવી પણ છે કે સુરત પોલીસના કેટલાક નાના કર્મીઓના સંપર્કમાં રહીને છેલ્લા 6 વર્ષથી પોલીસ પકડથી દૂર રહ્યો હતો,ઓપરેશન ઘોસ્ટ છૂપું ઓપરેશન હોવાથી આ વખતે આરોપી પાંજરે પુરાઈ ગયો છે.