સુરતમાં દિવાળીના સમયે તસ્કરો બેફામ.ATMમાંથી 31 લાખની કરી ચોરી. તસ્કરોએ ગેસ કટરથી ATM કાપીને ચોરીને અંજામ આપ્યો
સુરતના પાંડેસરામાં ત્રાટક્યા તસ્કરો
ATM કાપી નાખી ઉઠાવ્યા 31 લાખ
દિવાળીની 'બોણી'ATMથી કરતા તસ્કરો
સુરતમાં દિવાળીના સમયે તસ્કરો બેફામ બન્યા છે...ATMમાંથી 31 લાખની ચોરી કરી હોવાનું સામે આવ્યું છે. તસ્કરોએ ગેસ કટરથી ATM કાપીને ચોરીને અંજામ આપ્યો હતો.સુરતના પાંડેસર વિસ્તારમાં આ બનાવ બન્યો છે. આ ઘટના બાદ પોલીસની પેટ્રોલિંગ ટીમ પર સવાલો ઉઠી રહ્યાં છે.
દીપાવલીના પ્રવ નજીક આવતા તસ્કરો હવે ભીડભાડ વાળા વિસ્તારના ATM પર નજર ઠેરવવા લાગ્યા હોય તેમ સુરતના પાંડેસરા વિસ્તારમાં આ વેળા એક ATMને તસ્કરોએ નિશાન બનાવ્યું હતું. ATM સેન્ટર માં ઘૂસેલા તસ્કરોએ ગેસ કટરથી ATM કાપી નાખ્યું હતું અને રૂપિયા 31 લાખની મતા ઉઠાવી ગયા જવામાં સફળ રહ્યા હતા.દિવાળીના તહેવારોમાં નાગરીકો ગમે ત્યારે ATMથી નાણા ઉપાડતા હોય છે ત્યારે, સિક્યુરીટી ગાર્ડથી માંડીને સ્થાનિક પોલીસ પેટ્રોલિંગની કામગીરી પર સવાલ ઉઠી રહ્યા છે.
પેટલાદમાં પણ તોડ્યું ATM
આ પૂર્વે આણંદનાં પેટલાદમાં પણ આવી જ શૈલીથી તસ્કરોએ ATMને નિશાન બનાવ્યું હતું. પેટલાદ-ધર્મજ રોડ પર આવેલા ATMમાં ત્રાટકેલા તસ્કરોએ રૂપિયા 20 લાખની ઉઠાંતરી કરી હતી. મોડસ ઓપરેન્ડી એ હતી કે, વહેલી સવારે ત્રાટકેલા તસ્કરોએ ATM સહિતના ઉપકરણોને ભારે નુકસાન પહો ચાડ્યું હતું