સુરત / પોલીસની શરમજનક હરકત, આરોપીનું મોત થતાં 8 પોલીસકર્મીઓ વોન્ટેડ જાહેર

આ મામલે પોલીસ કર્મચારીઓ સામે હત્યાનો ગુનો નોંધાયો છે. ખટોદરા પોલીસ સ્ટેશનમાં મારમારવાથી આરોપી ઓમ પ્રકાશ પાંડેને ગંભીર હાલતમાં સારવાર અર્થે ખસેડાયો હતો. જ્યાં બ્રેન ડેડ સ્થિતિ બાદ આરોપી ઓમ પ્રકાશ પાંડેનું મોત નિપજ્યું હતું. જેને લઇ હવે ખટોદરા PI એમ.બી. ખીલેરી અને PSI ચૌધરી સહિત અન્ય 6 પોલીસ કર્મીઓ સામે હત્યાનો ગુનો નોંધાયો છે અને હાલ ઓમ પ્રકાશ પાંડેના મૃતદેહને પોસ્ટમોર્ટમ માટે મોકલી દેવાયો છે.

શનિવારે આ ઘટના પ્રકાશમાં આવ્યા બાદ તમામ 8 પોલીસકર્મીઓ ફરાર થઇ ગયા છે. જેમનો અત્યાર સુધી કોઇ અતોપત્તો નથી. જેના કારણે છેવટે તમામ 8 પોલીસકર્મીઓને હાલ વોન્ટેડ જાહેર કરવામાં આવ્યા છે. આરોપીનું મોત થતા હવે આઠ આરોપી વિરુદ્ધ 302ની કલમ લગાવાશે તેવું કહેવામાં આવી રહ્યું છે. આરોપીનું મોત થતા હાલ તેના મૃતદેહને પીએમ અર્થે મોકલવામાં આવ્યો છે. જેનો રિપોર્ટ આવી ગયા બાદ આગળની કાર્યવાહી હાથ ધરવામાં આવશે.