સુરતઃ સુરત પોલીસ કમિશ્નર દ્વારા પોલીસ કર્મચારીઓને લઈને મહત્વપૂર્ણ નિર્ણય લેવામાં આવ્યો છે. જે પ્રમાણે હવે PSI અને PIને સાપ્તાહિક રજા મળી શકશે. સુરત પોલીસ કમિશ્નર સતીશ શર્મા દ્વારા ઐતિહાસિક નિર્ણય લેવામાં આવ્યો છે. જે અંગે દરેક પોલીસ સ્ટેશનને પત્ર દ્વારા જાણ પણ કરી દેવામાં આવી છે.
અત્યાર સુધી સાપ્તાહિક રજાની કોઈપણ પ્રકારની જોગવાઈ ન હતી. પરંતુ હવે PI અને PSIને સાપ્તાહિક રજા મળી શકશે. જોકે PI અને PSIની રજા વખતે અન્ય અધિકારીને તેમનો ચાર્જ સોંપવામાં આવશે.
મહત્વનું છે કે આ પહેલા જ આ વર્ષની શરૂઆત થતા જ મધ્ય પ્રદેશના સમગ્ર પોલીસ કર્મચારીઓને મોટી આપી હતી. પહેલી જાન્યુઆરીથી મધ્યપ્રદેશમાં પોલીસ કર્મચારીઓને સાપ્તહિક રજા વ્યવસ્થા લાગૂ થઇ ગઇ હતી.
આ સંબંધમાં જરૂરી આદેશ પણ મંગળવારે રજૂ કરી દેવામાં આવ્યું હતું. નવા વર્ષ 2019ની શરૂઆત પર જ આ નિર્ણય લેવામાં આવ્યો હતો.