સુરતના રેલ્વે સ્ટેશનની સામે પોલીસકર્મીનો નાણાની ઉઘરાણી કરતો વીડિયો વાયરલ થયો છે. એક્ટિવા ચાલક પાસેથી પોલીસકર્મીએ નાણા પડાવ્યા જેના વીડિયો વાયરલ થઈ રહ્યો છે. સરકાર દ્વારા લાંચ લેતા અધિકારીઓને રોકવા માટે CCTV લગાવવામાં આવ્યા છે ત્યારે હવે પોલીસકર્મીએ CCTVથી બચવા માટે રીક્ષા પાછળ સંતાડીને લાંચ લેતો વીડિયો વાયરલ થયો છે. આ વીડિયોમાં પોલીસકર્મી એક્ટિવા ચાલક પાસેથી નાણા લઈને પોતાના ખિસ્સામાં નાખી રહ્યો છે.
ઉલ્લેખનીય છે કે આ પહેલા બોટાદના એક મહિલા પોલીસ રોકડી કરતી હોવાનો વીડિયો વાઈરલ થયો હતો. પુરૂષ પોલીસકર્મી તો ઠીક પણ અહીં તો મહિલા પોલીસ અધિકારી જ રોકડી કરતી વીડિયોમાં નજરે પડી રહી હતી. આ વીડિયોમાં જોઈ સ્પષ્ટ જોઇ શકાય તેમ હતું કે પહેલાં તો મહિલા પોલીસ અધિકારી વાહનચાલકોને રોકે છે. બાદમાં તેઓને દંડના વિવિધ નિયમો સમજાવે છે અને વાહન ડિટેઈન કરવાની ધમકી આપી પૈસા પડાવે છે.
સરકાર દ્વારા એક તરફ ભ્રષ્ટાચારને નાબૂદ કરવાની વાતો ચાલી રહી છે અને અભિયાન ચલાવવામાં આવી રહ્યા છે ત્યારે સુરત શહેરના એક પોલીસકર્મીનો એક VIDEO આજરોજ વાયરલ થતા જનતાએ આ પોલીસક્રમી પર ફિટકાર વરસાવ્યો હતો અને સરકાર ભ્રષ્ટાચાર આચરનાર સામે વધુ લાલઆંખ કરે તેવા માંગણી પણ કરી હતી.