એક્શન / સુરત પોલીસની મેગા ડ્રાઇવ, ગુનાખોરીને ડામવા 3 જ દિવસમાં 81 હથિયારો સાથે પોલીસે ઝડપ્યાં 208 શખ્સો

• સુરતમાં ગુનાખોરીને ડામવાના પોલીસના પ્રયાસ છતાં સ્થિતિ યથાવત
• પોલીસે હથિયાર સાથે 208 શખ્સોને ઝડપ્યાં તો 412 શખ્સો નશો કરેલી હાલતમાં પકડાયાં
• ચેકિંગ દરમ્યાન અસામાજિક તત્વો પાસેથી 81 હથિયારો મળી આવ્યાં

સુરતમાં દિવસે ને દિવસે ગુનાખોરીની પ્રવૃત્તિઓ વધતી જ જઇ રહી છે. ત્યારે ગુનાખોરીની પ્રવૃત્તિઓને ડામવા માટે પોલીસ સતત પ્રયત્નો કરી રહી છે. છતાં શહેરમાં સ્થિતિ યથાવત જોવા મળી રહી છે. કારણ કે, માત્ર 3 દિવસની ડ્રાઈવમાં પોલીસે હથિયાર સાથે 208 શખ્સોને ઝડપી પાડ્યા છે. ચેકિંગ દરમ્યાન અસામાજિક તત્વો પાસેથી 81 હથિયારો મળી આવ્યાં છે.

પોલીસે ઘાતક હથિયારો લઈને ફરતા માથાભારે તત્વોને ઝડપી પાડ્યાં છે. પોલીસે ચપ્પુ સાથે 81 લોકો તો તલવાર, કુહાડી, સળિયા જેવાં હથિયારો સાથે 21 લોકોને ઝડપી પાડ્યાં છે.
લાકડી અને ધોકા જેવાં હથિયારો સાથે 106 શખ્સો ફરતા પોલીસે પકડ્યાં છે.

3 દિવસની પોલીસની ડ્રાઈવ દરમિયાન દારૂના 178 કેસ પોલીસે નોંધ્યા છે. રૂ. 6.85 લાખનો દારુનો મુદ્દામાલ પકડ્યો તો 177 આરોપીઓને દારૂ સાથે પોલીસે ઝડપી પાડ્યાં છે. જુગારના 15 કેસ કરીને 3.70 લાખનો મુદ્દામાલ પોલીસે કબજે લીધો છે. 84 જુગારીઓની પણ સુરત પોલીસે ધરપકડ કરી છે. ડ્રાઈવ દરમિયાન 412 શખ્સો નશો કરેલી હાલતમાં ઝડપાયા છે.

જાણો 3 દિવસની મેગા ડ્રાઇવમાં સુરત પોલીસે કેટલાં હથિયારો જપ્ત કર્યા, કેટલાં ગુનેગારોની ધરપકડ કરી?

• 3 દિવસની ડ્રાઈવમાં પોલીસે હથિયાર સાથે 208 શખ્સોને ઝડપ્યાં
• ચેકીંગ દરમ્યાન અસામાજિક તત્વો પાસેથી 81 હથિયારો મળ્યાં
• ઘાતક હથિયારો લઈને ફરતા માથાભારે તત્વોને પોલીસે પકડ્યાં
• ચપ્પુ સાથે 81, તલવાર, કુહાડી, સળિયા જેવાં હથિયારો સાથે 21 ઝડપ્યાં
• લાકડી અને ધોકા જેવા હથિયારો સાથે ફરતા 106 શખ્સો પકડ્યાં
• 3 દિવસની પોલીસની ડ્રાઈવ દરમિયાન દારૂના 178 કેસ નોંધ્યા
• રૂ.6.85 લાખનો દારુનો મુદ્દામાલ પકડ્યો, 177 આરોપી દારૂ સાથે ઝડપ્યાં
• જુગારના 15 કેસ કરી 3.70 લાખનો મુદ્દામાલ કબજે લીધો 
• 84 જુગારીઓની સુરત પોલીસે ધરપકડ પણ કરી
• ડ્રાઈવ દરમિયાન 412 શખ્સો નશો કરેલી હાલતમાં પકડાયા