VIDEO: પેન્ટની અંદર દારૂ બાંધીને હેરફેર કરતા શખ્સને પોલીસે દબોચી લીધો

સુરતઃ શહેર પોલીસે 93 નંગ કોટર દારૂની બોટલ સાથે એક શખ્સને ઝડપી પાડ્યો છે. ત્યારે નવાઈની વાત તો એ છે કે પોલીસનાં હાથે ઝડપાયેલાં આ શખ્સે દારૂની બોટલની હેરાફેરી માટે એક નવો કિમીયો અપનાવ્યો છે. પકડાયેલા આ આરોપીએ પેન્ટની અંદર પગની સાથે આ બોટલ બાંધી હતી. વરાછા પોલીસે આરોપીને રેલ્વે ગરનાળા પાસેથી ઝડપી પાડ્યો હતો. ઉલ્લેખનીય છે કે આરોપી ટ્રેન મારફતે સુરત દારૂની હેરાફેરી કરવા માટે આવ્યો હતો.

આપને જણાવી દઇએ કે સમગ્ર રાજ્યમાં દારૂબંધી છે તેમછતાં છાશવારે દારૂનું વેચાણ કરતા લોકો અને દારૂ ભરેલી ટ્રક ઝડપાય છે. ત્યારે સુરતમાં આજે નવી મોડસ ઓપરેન્ડી અજમાવનાર એક શખ્સને પોલીસે દબોચી લીધો હતો. પેન્ટની અંદરની બાજુએ પગ સાથે બાંધીને હેરાફરી કરતો હોવાનું ખુલવા પામેલ.
 


દારૂની હેરફેર કરતા આ શખ્સની કારીગરી જોઇને સુરતની પોલીસ પણ થોડીવાર અચંબામાં મુકાઇ ગઇ હતી. જો કે પોલીસે આ શખ્સની અટકાયત કરીને પૂછપરછ હાછ ધરતા તેની પાસેથી 93 નંગ દારૂની બોટલ મળી આવી હતી. આ હેરફેર તે કોના કહેવાથી કરી રહ્યો હતો અને દારૂ ક્યાંથી લાવવામાં આવ્યો હતો તે અંગે તપાસ હાથ ધરી હતી.