સુરતમાં નૂરી પ્રાઇવેટ લીમિટેડનો ચેરમેન કિશોર અગ્રવાલ ઝડપાયો છે. કડોદરા પોલીસે વર્ષ 2011થી નાસતા ફરતા આરોપીની ધરપકડ કરી છે. સહાયના બહાને લોકો સાથે છેતરપિંડી આચરી હતી. વિધવા ગરીબ લાચાર મહિલાઓ સાથે છેતરપિંડી કરી હતી. આરોપી વિરૂદ્વ કડોદરા પોલીસ સ્ટેશનમાં 494 મહિલાઓએ ફરિયાદ નોંધાવી હતી. આરોપી સામે પલસાણા નવસારી ખેડા આણંદ નડિયાદમાં ફરિયાદ કરાઇ હતી.
ઉલ્લેખનીય છે કે આજરોજ 11 વર્ષના ગાળા બાદ ઝડપાયેલ આરોપીએ વર્ષો પહેલા સુરતમાં નૂરી પ્રાઇવેટ કંપનીની શરૂઆત કરી હતી. અને સહાયના બહાને કેટલાય લોકો સાથે છેતરપિંડી બાદ નાસી ગયો હતો.
આ ઘટનાની જાણ છેતરપિંડી પામનાર લોકોને થતાં તેમણે સુરતના કડોદરા પોલીસ મથકે ફરિયાદ નોંધાવી હતી જેને પગલે પોલીસે તપાસ હાથ ધરતા આજે કેટલાય સમયગાળા બાદ તેને ઝડપી પાડ્યો હતો. આપને જણાવી દઇએ કે પકડાયેલ આરોપીએ સુરતની 494 સાથે સહાય આપવાના બહાને ફ્રોડ કરેલ છે પોલીસના હાથે ઝડપાયેલ આ આરોપીની પોલીસે વધુ પુછપરછ હાથ ધરી છે.