સુરત / VIDEO : ફરી ખાખી પર લાગ્યો ડાઘ, પોલીસ કર્મચારીઓ પર લાગ્યા ગંભીર આક્ષેપ

સુરતમાં ફરી પોલીસ કર્મચારીઓ પર આરોપ લાગ્યા છે. આરોપ ખાણી-પીણીની લારી ચલાવતી મહિલા દ્વારા મુકવામાં આવ્યો છે. સારોલી પોલીસ સ્ટેશનના કર્મચારીઓ પર એક મહિલાએ આરોપ મુક્યો છે કે તેણે ફ્રી જમવાનું ન આપતા તેની લારી બંધ કરાવી દેવાની તેને ધમકી આપવામાં આવી.. મહિલાએ આક્ષેપ કર્યો કે પોલીસ કર્મચારી દારૂના નશામાં હતો.. મહિલાએ પોલીસ કર્મચારીનો વીડિયો બનાવી વાયરલ કર્યો છે..

આ પણ વાંચોઃ

ગુજરાતમાં વધુ એક ગોઝારો અકસ્માત, ST બસ અને રિક્ષા વચ્ચેની ટક્કરમાં 5ના મોત

વાયરલ કરવામાં આવેલા વીડિયોમાં ફૂડ સ્ટોલ ધરાવતી મહિલા પીસીઆર વાનમાં બેઠેલા પોલીસ કર્મીને વિનંતી કરી રહી છે કે તે તેમને ફૂડ આપશે પણ તેને લારી બંધ કરાવવાની ધમકી ન આપવી જોઇએ..મહિલા કહે છે કે મહેનતનું કમાઇને હું ખઉં છે તે કહે છે કે બધાની લારી 11 વાગ્યે બંધ કરાવો તો હું પણ 11 વાગ્યે બંધ કરી દઇશ.

દરમ્યાન મહિલા દાદા કહીને એક પોલીસ કર્મીને સંબોધી રહી હોય છે અને તેણે ( પોલીસ કર્મીએ) દારૂ પીધેલો હોવાનું જણાવી રહી છે. અને સાથેજ તે પોલીસ કર્મીને તેમના પોલીસ સ્ટેશનનું નામ આપવા પણ કહે છે.. બીજી તરફ પોલીસકર્મીઓ મહિલાનો આક્રમક મિજાજ ભાળીને કે પછી વીડિયો ઉતરતો હોય તે જોઇને કારણ ગમે તે હોય પરંતુ મહિલાને શાંત પાડતા જોવા મળી રહ્યા છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ