નવરાત્રિના દિવસો ચાલી રહ્યા છે ત્યારે ગુજરાતમાં નવરાત્રિની ધૂમ મચી છે. ગરબામાં પીએમ મોદીનો ક્રેઝ જોવા મળી રહ્યો છે. સુરતમાં શુક્રવારે મોટી સંખ્યામાં છોકરાઓ અને છોકરીઓએ પીએમ મોદીના ફેસ માસ્ક પહેરીને ગરબા કર્યા હતા.
ગુજરાતમાં મચી છે નવરાત્રિની ધૂમ
સુરતમાં મોટી સંખ્યામાં યુવાનોએ પીએમ મોદીના ફેસ માસ્ક સાથે કર્યા ગરબા
અનેક યુવતીઓએ આર્ટિકલ 370 અને 35-Aના સમર્થનમાં બનાવડાવ્યા ટેટૂ
ગરબામાં પીએમ મોદી ફેવરિટ
ગુજરાતના દરેક ખૂણામાં નવરાત્રિ અને ગરબાની ધૂમ મચી છે. મોટી સંખ્યામાં લોકો મોડી રાત સુધી ગરબે ઘૂમે છે. પીએમ મોદીના ગૃહ રાજ્યમાં પીએમનો ખાસ ક્રેઝ જોવા મળી રહ્યો છે. યુવતીઓએ પોતાની પીઠ પર પીએમ મોદી અને અમેરિકી રાષ્ટ્રપતિ ડોનાલ્ડ ટ્રંપના ટેટૂ બનાવડાવ્યા છે. તો અન્ય કેસમાં તેઓ પીએમ મોદીના ફેસ માસ્ક પહેરીને ગરબે ઘૂમી રહ્યા છે.
પરંપરાગત ચણિયાચોળીની સાથે પીએમના ફેસ માસ્કની સાથે લોકપ્રિય ગરબાની મજા લોકોએ માણી હતી. અનેક યુવતીઓએ આટ્રિકલ 370 અને 35-Aના સમર્થનમાં ટેટૂ બનાવડાવ્યા હતા. તો કેટલાકે ચંદ્રયાન-2ને લઈને પણ ઘણો ઉત્સાહ દેખાડ્યો હતો. આ ઉપરાંત હાલમાં લાગૂ થયેલા મોટર વ્હીકલ એક્ટના સમર્થનમાં બનાવડાવવામાં આવેલા ટેટૂનો ટ્રેન્ડ પણ ઈન રહ્યો છે. આ ઉપરાંત પીએમ મોદીની 'સે નો ટૂ પ્લાસ્ટિક' અને 'પાણી બચાવો' જેવા સ્લોગન્સ પણ પ્રિય રહ્યા હતા.