બેદરકારી / લો બોલો! સુરતમાં માસ્ક ન પહેરવા બદલ દંડ 2020માં વસૂલ્યો રસીદ 2021ની આપી

• દંડ 1લી ડિસેમ્બર 2020ના વસૂલ્યો
• રસીદમાં તારીખ 1લી જાન્યુઆરી 2021 લખી
• સોશિયલ મીડિયામાં કિસ્સો વાયરલ 

સુરતની એક ઘટના હાલ સોશિયલ મીડિયામાં ચર્ચાનું કારણ બની છે વાત જાણે એમ બની છે કે એક સુરતીને માસ્ક ન પહેરવા બદલ દંડ કરવામાં આવ્યો છે. અને આ દંડની રસીદમાં 2012નું વર્ષ લખવામાં આવ્યું છે જેને પગલે આ ઘટના હાલ ચર્ચાો વિષય બની છે. 

શું હતી ઘટના?

સુરતમાં અદાણી કેમિકલ બ્રાન્ચમાં મેનેજર તરીકેની નોકરી કરતા યશદીપ પ્રજાપતિ તારીખ 1 ડિસેમ્બરના દિવસે સવારે 11 વાગ્યે અડાજણ પ્રથમ સર્કલની પાસે મિત્રોની સાથે ઊભા હતા. તેઓ ઉતાવળમાં માસ્ક પહેરવાનું ભૂલી ગયા હતા. ત્યારે 3 લોકો ખાનગી ડ્રેસમાં ત્યાં આવ્યા અને પોલીસની ઓળખ આપીને યશદીપ પ્રજાપતિને માસ્ક નહીં પહેરવા બદલ રૂપિયા 1000નો દંડ ભરવાનું જણાવ્યું હતું. તેમણે માસ્ક નહીં પહેર્યું હોવાનો ફોટો દેખાડીને રૂપિયા 1000નો દંડ ભરવાનું જણાવ્યું હતું. યશદીપ પ્રજાપતિએ માસ્ક નહીં પહેરવા બદલ રૂપિયા 1000નો દંડ ભરી દીધા પછી તેની રસીદ જોતા તેમાં તારીખ આજથી એક મહિના પછીની એટલે કે 1-1-2021 લખી હોવાનું જાણવા મળ્યું હતું. સોશિયલ મીડિયા પર પણ માસ્ક નહીં ભરવા બદલ પોલીસે પકડાયેલી આ રસીદમાં વર્ષ 2021ની તારીખ લખી હોવાનો કિસ્સો ચર્ચાનો વિષય બન્યો છે.