સુરતઃ Gmail અને Youtube હેક કરી લાખોની છેતરપિંડી કરનાર વિદ્યાર્થી ઝડપાયો

સુરતઃ ગુજરાત અને બીજા અલગ અલગ રાજ્યોમાં લોકોના જી-મેલ હેક કરી છેતરપીંડી કરતા એક યુવકની સુરત સાયબર ક્રાઇમ દ્વારા ધરપકડ કરવામાં આવી છે. પારુલ યુનિવર્સીટીમાં એન્જિયરિંગના ત્રીજા વર્ષમાં અભ્યાસ કરતા વિદ્યાર્થીએ આ હરકત કરી છે. તેણે અનેક જીમેલ હેક કરીને લોકોને ચિટિંગ કર્યા છે. તેણે એક વ્યક્તિના એકાઉન્ટમાંથી 1 લાખ 42 હજારની છેતરપિંડી કરી લીધી હતી. જેથી અઠવા પોલીસ સ્ટેશનમાં ફરિયાદ નોંધવામાં આવી હતી. સુરત સાયબર ક્રાઇમને તપાસ સોંપવામાં આવી હતી.

ત્યારબાદ સુરત સાયબર ક્રાઇમે હેકરની ધરપકડ કરી છે. પોલીસે ભૌદીપગિરી ગોસ્વામીની ધરપકડ કરી છે. અલગ-અલગ રાજ્યોના GMAIL યુઝર્સને હેક કરતો હતો. યૂ-ટ્યુબ ચેનલ હેક કરી નુકસાન કરતા શખ્સની ધરપકડ કરવામાં આવી છે. આરોપીએ ફરિયાદી સાથે રૂપિયા 1.42 લાખની છેતરપિંડી આચરી હતી. ફરિયાદીનું ગુગલ એકાઉન્ટ હેક કરી છેતરપિંડી આચરી હતી.

આ યુવક કોઈ મોટો ગુનેગાર નથી પણ એક વિદ્યાર્થી છે. જે ગુજરાતની નામચીન પારુલ યુનિવર્સીટીમાં મિકેનિકલ એન્જીનીયરના ત્રીજા વર્ષમાં અભ્યાસ કરતો વિદ્યાર્થી છે. જે છેલ્લા વર્ષમાં અભ્યાસ કરે છે. 

આ પોલીસની પકડમાં કેવી રીતે આવ્યો?
બે મહિના પહેલા અઠવા વિસ્તરમાં એક યૂટ્યૂબ પર વોટ્સઅપ સ્ટેસ્ટ્સ મૂકી રૂપિયા કમાતા એક વ્યક્તિનું યૂટ્યૂબ ચેનલ અને જીમેલ હેક કરવામાં આવ્યું હતું. બાદમાં તેના એકાઉન્ટ મારફતે 1 લાખ 42 હજારની છેતરપિંડી કરી લીધી હતી. જેથી અઠવા પોલીસ સ્ટેશનમાં ફરિયાદ પણ નોંધવામાં આવી હતી. બાદમાં આ બે મામલો સાયબર ક્રાઇમને લગતો હોવાથી સમગ્ર તપાસ સુરત સાયબર ક્રાઇમને તપાસ સોંપવામાં આવી હતી.

હેકર કેવી રીતે કરતો હેકિંગ?
આ 20 વર્ષીય આરોપી ભૌદીપગિરી ગૌસ્વામીને એક લત લાગી કે કોઈના જીમેલ કે યૂટ્યૂબ હેક કરી રૂપિયા કમાવાની. તેના આધારે તેણે અલગ અલગ રાજ્યો ગુજરાત સહિત 15 જેટલા જીમેલ હેક કર્યા છે. યૂટ્યૂબ ચેનલ પણ હેક કરતો હતો પણ ફરિયાદ એક જ દાખલ થઈ હતી. અઠવા પોલીસ સ્ટેશનમાં દાખલ થયા બાદ તે પોલીસની પકડમાં આવી ગયો.

આ વિધાર્થી યૂટ્યૂબ ચેનલ પરથી મોબાઈલ નંબર મેળવી વોટ્સઅપ પર સ્પોન્સરશીપની ઓફર આપી ફરિયાદીનું એકાઉન્ટનું યુઝર નેમ અને પાસવર્ડ મેળવી ચેનલમાં ફરિયાદીનો બેક એકાઉન્ટ ડીલીટ કરી પોતાનો બેક એકાંઉન્ટ નંબર નાખી રૂપિયા મેળવતો હતો. આમ આ વિધાથી ગુજરાત સહિત અલગ અલગ રાજ્યમાં મળી કુલ 15 જેટલા જીમેલ પણ હેક કર્યાની કબૂલાત કરી છે. તેની પૂછપરછમાં બીજા અનેક ખુલાસા થાય તેવી સંભાવના છે.