સુરતના ડિંડોલી વિસ્તારમાં પુત્રીએ પરિવારને ઘેનની દવા આપી પુત્રીએ પ્રેમી સાથે લગ્ન કરી લેતા ચકચાર
સુરતના ડિંડોલીમાં ચોંકાવનારી ઘટના
માતા-પિતા અને ભાઈને ઝેરી દવા ખવડાવી
પુત્રીએ પ્રેમી સાથે લગ્ન કરવા કર્યું કારસ્તાન
સુરતમાં પારિવારીક સંબંધોમાં લાછંન લાગે તેવી ઘટના સામે આવી છે સુરતના ડિંડોલી વિસ્તારમાં પુત્રીએ પરિવારને ઘેનની દવા આપી પુત્રીએ પ્રેમી સાથે લગ્ન કરી લેતા ચકચાર મચી ગઈ છે.સમગ્ર ઘટનાની હકીકત સામે આવતા પિતાએ પુત્રી સામે પોલીસ મથકમાં ફરિયાદ નોંધાવી છે જેને લઈ પોલીસે પણ આગળની કાર્યવાહી હાથ ધરી છે
માતા-પિતા અને ભાઈને ઝેરી દવા ખવડાવી
સુરતના ડિંડોલીમાં રહેતા પરિવારને પરાઠામાં ઘેનની ગોળીઓ આપીને પુત્રીએ લગ્ન કરી લીધા હતા, ગોળીઓ આપ્યા બાદ પરિવાર સુઈ ગયો હતો ત્યારે પુત્રીએ ભાગીને લગ્ન કરી લીધા હતા જેની જાણ લગ્નનું સર્ટિ આવ્યુ ત્યારે થઈ હતી જો કે લગ્ન સર્ટિ સાથે પુત્રી પોલીસ મથકે પહોંચી હતી જે બાદ પિતાએ પુત્રા સામે પોલીસ ફરિયાદ નોંધાવી છે, પિતાની ફરિયાદને આધારે પોલીસે વધુ તપાસ હાથ ધરી કાર્યવાહી હાથ ધરી છે.
પુત્રીએ પ્રેમી સાથે લગ્ન કરવા કર્યું કારસ્તાન
મહત્વનું છે કે પ્રેમી સાથે લગ્ન કરવા પુત્રીની આવી કરતૂત સામે આવ્યા બાદ સમગ્ર વિસ્તામાં ખળભળાટ મચી ગયો છે, સગી પુત્રીના આવા કિસ્સા બાદ પરિવારના સંબંધોમાં લાછંન લાગ્યું છે. આજકાલ ટીવી સિરિયલો અને મોબાઈલ ક્રેઝને કારણે આવી ઘટનાઓનું પ્રમાણ વધ્યું છે ત્યારે માતા પિતાએ પણ સાવધાન થઈ જવું જોઈએ, માતા પિતાના રુવાડા ઉંભા કરી દે તેવા બનાવ બાદ સમગ્ર પથંકમાં અરેરાટી વ્યાપી ગઈ છે.