ગુજરાતમાં હાલ ક્રાઇમ રેસિયાનો ગ્રાફ સતત ઉપર ચડી રહ્યો હોવાનું જોવા મળી રહ્યું છે. હાલ કોઇને જાણે પોલીસ કે કાયદાનો ડર ન રહ્યો હોય તેવું દેખાઇ રહ્યું છે. રાજ્યમાં છાશવારે કોઇપણ શહેરમાં અસમાજિક તત્વોનો આતંક હોય કે નાની-નાની વાતમાં કાયદો હાથમાં લેવામાં આવી રહ્યો છે. સુરતના પાંડેસર વિસ્તારમાં ગૂમ થયેલી બાળકીનો મૃતદેહ મળી આવતા પરિવારજનોમાં આક્રોશ જોવા મળ્યો હતો.
પાંડેસરા વિસ્તારમાં ગૂમ થયેલી બાળકીનો મૃતદેહ મળ્યો
પાંડેસરા પોલીસે એક આરોપીની કરી ધરપકડ
પરિવારજનોએ બાળકી ગૂમ થયાની નોંધાવી હતી ફરિયાદ
સુરતના ઉધના વિજયનગરમાં રહેતા શ્રમજીવી પરિવાર મજુરી કરી પોતાના પરિવારજનોનું ગુજરાન ચલાવે છે. તેમને સંતાનમાં એક પુત્ર અને 10 વર્ષની પુત્રી હોય બંને મજૂરી કામ કરતા હોવાના કારણે તેઓને પાંડેસરા ભેદવાડ વિસ્તારમાં તેમના ભાઇને ત્યાં મોકલી આપ્યા હતા.
રાજ્યમાં હાલ જાણે લોકોમાં કાયદાનો ડર જતો રહ્યો હોય તેવું દેખાઇ રહ્યું છે. સુરતમાં વધુ હત્યાની ઘટના સામે આવી છે. જેમાં પાંડેસરા વિસ્તારમાં ગૂમ થયેલી બાળકીનો મૃતદેહ મળી આવ્યો છે. આ બાળકી ગુમ થયાની પરિવારજનોએ ફરિયાદ નોંધાવી હતી.
સુરતના પાંડેસરા વિસ્તારમાં થોડા દિવસ અગાઉ એક બાળકી ગુમ થયા હોવાની પરિવારજનોએ પોલીસમાં ફરિયાદ નોંધાવી હતી. જેને લઇને પોલીસે આ અંગે તપાસ હાથ ધરી હતી. પોલીસ દ્વારા સોસાયટીના CCTVના ફુટેજ ચેક કરવામાં આવતા બાળકી સોસાયટીના પ્રદીપ સાથે દેખાઇ હતી.
જો કે પોલીસે આ અંગે વધુ તપાસ હાથ ધરતા પ્રદીપે બાળકીની હત્યા કરી હોવાની કબૂલાત કરી હતી. પ્રદીપે મિત્ર આનંદ સાથે મળીને હત્યા કરી હોવાનું કબુલ્યું હતું. જો કે આમ પ્રદીપની કબૂલાત બાદ પોલીસે અન્ય આરોપી આનંદની શોધખોળ હાથ ધરી છે.
ડાયમંડ નગરી સુરત શહેર હવે ગુનાખોરી નગરી તરીકે ઓળખ બનાવી રહ્યું હોય તેવું લાગી રહ્યું છે. સુરત શહેરમાં એક પછી એક હત્યાના બનાવો સામે આવી રહ્યા છે. ત્યારે પાંડેસરા વિસ્તારમાં ગુમ થયેલી ૧૦ વર્ષીય બાળકીની હત્યા કરાયેલી લાશ મળી આવતા પોલીસ દોડતી થઇ ગઇ હતી. આ સાથે પાંડેસરા પોલીસે બાળકીની હત્યા કરનાર બે પૈકી એક નરાધમને ઝડપી પાડયો હતો.
પોલીસે સીસીટીવીના આધારે ધરપકડ કરેલ પ્રદીપે બાળકીને સ્થાનિક હોટલમાં નાસ્તો પણ કરાવ્યો હતો અને ત્યારબાદ ત્યાંથિ લઇને જતો રહ્યો હતો. આ દરમિયા સ્થાનિક લોકોએ પ્રદીપને ઝડપી પાડી પોલીસને સોંપ્યો હતો. જો કે પ્રદીપે બાળકીની હત્યા કરી કોઇ ને શક ન જાય તે માટે પરિવારની સાથે જ બાળકીની શોધખોળમાં જોડે હતો.