Suratના પાંડેસરા GIDC વિસ્તારમાં ફરી એક વાર આગની દુર્ઘટના ઘટી છે. GIDCના પ્લોટ નંબર 85માં મોડી રાત્રે અચાનક જ આગ ભભૂકી ઉઠી હતી.
સુરતના પાંડેસરા GIDCમાં ભીષણ આગ
અમિત મીલમાં લાગી ભીષણ આગ
ફાયરબ્રિગેડની 18 થી 20 ગાડી ઘટનાસ્થળે
પાંડેસરા GIDCમાં ફરી લાગી આગ
સુરત (Surat)ના પાંડેસરા GIDC વિસ્તારમાં ફરી એક વાર આગની દુર્ઘટના ઘટી છે. આ અગાઉ પણ ઘણી આ પ્રકારની ઘટનાઓ બનવા પામી હતી. GIDCના પ્લોટ નંબર 85માં મોડી રાત્રે અચાનક જ આગ ભભૂકી ઉઠી હતી.
અમિત મિલમાં લાગી આગ
સુરત (Surat)ના પાંડેસરા GIDC ની અમીત નામની મિલમાં ભીષણ આગ લાગવાની જાણ થતા ફાયર વિભાગ ઘટના સ્થળે પહોંચી ગયુ છે. ભીષણ આગ લાગવાના પગલે ફાયર બ્રિગેડની (Fire brigade) 18થી વધુ ગાડીઓ ઘટના સ્થળે પહોંચી છે અને આગ પર કાબુ મેળવવાનો પ્રયાસ કરી રહી છે. આ આગ મોડી રાત્રે લાગી હતી પણ સવાર સુધી તેના પર કાબૂ મેળવી શકાયો નથી.
ફાયરબ્રિગેડે જાહેર કર્યો મેજર કોલ
ફાયરબ્રિગેડની 18 થી 20 ગાડી ઘટનાસ્થળે પહોંચી ગઈ હોવાની માહિતી મળી છે. આગ વિકરાળ હોવાના કારણે ફાયરબ્રિગેડને પણ મેજર કોલ જાહેર કરવાની ફરજ પડી હતી.
અફરાતફરીનો માહોલ
સુરતના પાંડેસરાના જીઆઇડીસીના પ્લોટ નંબર 85માં અમીત મીલમાં મોડી રાત્રે આગ લાગી હતી. આ મિલ એક કાપડની મિલ છે. આગ લાગવાના પગલે અફરાતફરીનો માહોલ સર્જાયો હતોઆગે ભીષણ સ્વરૂપ ધારણ કરતા થોડા જ સમયમાં સમગ્ર મીલમાં ફેલાઇ ગઇ હતી. . ઘટનાની જાણ કરાતા ફાયર બ્રિગેડની ટીમ તાત્કાલિક સ્થળ પર પહોંચી ગઇ હતી. કાપડની મિલ હોવાથી અહીં લાગેલી આગ એટલી વિકરાળ હતી કે 17થી વધુ ફાયર બ્રિગેડની ગાડીઓ આગ પર કાબુ મેળવવા માટે ઘટનાસ્થળે પહોંચી ગઇ હતી.
શોર્ટ સર્કિટના કારણે આગ લાગી હોવાનું અનુમાન
આગ લાગવાનું કારણ હજુ સુધી જાણવા મળ્યુ નથી. જો કે પ્રાથમિક ધોરણે શોર્ટ સર્કિટના કારણે આગ લાગી હોવાનું માનવામાં આવી રહ્યુ છે.
કોઈ જાનહાનિ નહીં
આગ લાગવાની ઘટનામાં કોઇ જાનહાનીના સમાચાર મળ્યા નથી. મળતી માહિતી મુજબ આ મીલમાં સીલ્ક કાપડ એટલે કેમિકલવાળુ કાપડ રાખવામાં આવે છે. જેના કારણે આગ જલ્દી ફેલાઇ હતી. આગ લાગવાના કારણે મીલમાં રાખેલો કાપડનો જથ્થો બળીને ખાખ થઇ ગયો છે.
ફાયર બ્રિગેડના જવાનો દ્વારા આગ પર કાબુ મેળવવાની સતત પ્રયાસો થઇ રહ્યા છે.