કાંદા વિના રસોઈ ફિક્કી લાગે એમાંય અમુકને તો સલાડમાંય ડુંગળી જોઈતી હોય ત્યારે હાલ બજારમાં ડુંગળીના ભાવ ભડકે બળી રહ્યા છે ત્યારે ચોર પણ કોઈ મોંઘી જણસને બદલે ડુંગળી પર ડોળા નાંખી રહ્યા છે. સુરતમાં પણ એક ચોરે 250 કિલો ડુંગળીની ચોરી કરતા ચકચાર મચી ગઈ હતી.
પાલનપુર પાટિયા માર્કેટમાંથી ડુંગળીની ચોરી
ડુંગળીના 5 પોટલા ઉઠાવી ગયા ચોર
હાલમાં ડુંગળીનો ભાવ 100 રૂપિયા પ્રતિ કિલો
ડુંગળીના ભાવ અત્યારે આસમાને છે ત્યારે સુરતમાં એક ડુંગળી ચોરીની ઘટના સામે આવી છે. સુરતમાં એક ચોરે ડુંગળીના કટ્ટાઓની ચોરી કરી હતી. ડુંગળીના ભાવ હાલ 100 રૂા.થી 250 રૂા. પ્રતિકિલોના છે. ત્યારે મોંઘી જણસ ગણાતી ડુંગળી પણ ચોરોના નિશાના ઉપર છે. કોઈ સોનું લુંટે કે ચાંદી લુંટે પણ આ ચોરે તો ડુંગળી લુંટતા લોકો ચોંકી ઉઠ્યા હતા.
ડુંગળીના 5 કટ્ટા ચોર ઉઠાવી ગયો
સુરતના પાલનપુર પાટીયા માર્કેટમાંથી ડુંગળીની ચોરી થઈ છે. ડુંગળીના 5 કટ્ટાની ચોરી થઈ હતી જેમાં લગભગ 250 કિલો જેટલી ડુંગળીની ચોરી થઈ હતી.
સોમવારે બિહારમાં પણ થઈ હતી ડુંગળીની ચોરી
પટણાના સોનારુ વિસ્તારમાં આવેલા ડુંગળીના એક ગોડાઉન પર તસ્કરો ત્રાટક્યા હતા અને ડુંગળી ભરેલા 328 થેલા ચોરી ગયા હતા.જેની કિંમત લગભગ 8.5 લાખ રુપિયા થવા જાય છે.તેની સાથે સાથે ગોડાઉનમાં મુકેલા 1.73 લાખ રુપિયા પર પણ તસ્કરોએ હાથ સાફ કર્યો હતો.