સલામ / સુરતના 'પેડમેન': પિઝા રેસ્ટોરન્ટમાં સેનેટરી પેડ મશીન મૂકી મહિલાઓની વ્યથાને વાચા આપી

• સુરતના 'પેડમેન'
• પિઝા રેસ્ટોરન્ટમાં સેનેટરી પેડ મશીન
• પેડમેન ફિલ્મથી મેળવ્યો કોન્સેપ્ટ

સુરતના અડાજન વિસ્તારમાં આવેલા પિઝા રેસ્ટોરન્ટમાં પીઝાની અનેક વેરાયટી સાથે ખાસ સુવિધા પણ ઉભી કરવામાં આવી છે. આ ખાસ સુવિધા રેસ્ટોરન્ટમાં આવતી મહિલાઓ માટે છે. મહિલાઓના પીરિયડ્સને ધ્યાનમાં રાખી અને આ સામે હાયજીન બની રહે એ માટે રેસ્ટોરન્ટ દ્વારા સેનેટરી પેડ વેન્ડીંગ  મશીન મૂકવામાં આવ્યું છે. જેથી રેસ્ટોરન્ટમાં આવેલ મહિલાઓને પીરિયડ્સની તકલીફ પડે તો આ વેન્ડીંગ મશીન  દ્વારા સેનેટરી પેડનો પયોગ કરી શકે. 

રેસ્ટોરન્ટ દ્વારા આ સુવિધા માત્ર રેસ્ટોરન્ટમાં આવનાર મહિલાઓ માટે જ નહિ પરંતુ દરેક મહિલાઓ રેસ્ટોરન્ટમાં જઈને તે આ લાભ મેળવી શકે છે. મહિલાઓની આવી સ્થિતિને ધ્યાનમાં રાખી રેસ્ટોરન્ટના સંચાલક દિવ્યેશ દ્વારા આ ખાસ સુવિધાઓ ઉપલબ્ધ કરાવવામાં આવી છે. રેસ્ટોરન્ટના વોશરૂમમાં મહિલાઓ માટે સેનેટરી પેડ વેન્ડીંગ મશીન મુકવામાં આવ્યું છે. 

રેસ્ટોરેન્ટ સંચાલક દિવ્યેશે જણાવ્યું હતું કે, જ્યારે પેડમેન ફિલ્મ આવ્યું ત્યારે તેઓને આ કોન્સેપ્ટ ધ્યાનમાં આવ્યો.મહિલાઓને લગતી આ સમસ્યાને લઇ તેઓએ રેસ્ટોરન્ટમાં સેનેટરી પેડ વેન્ડીંગમશીન મૂક્યું છે જેનો લાભ માત્ર રેસ્ટોરન્ટમાં આવનાર મહિલાઓ જ નહીં પરંતુ રેસ્ટોરન્ટની આસપાસ આવેલી બેંક શોપ્સ અને અન્ય દુકાનોમાં આવતી મહિલાઓ પણ લઈ શકે છે. આ વેન્ડીંગ મશીનમાં પાંચ રૂપિયાનો સિક્કો નાખીને સેનેટરી પેડ લઈ શકે છે એ સિક્કો પણ મહિલાઓ રેસ્ટોરન્ટના કાઉન્ટર પરથી લઇ શકે છે. એટલે કે મહિલાઓ ફ્રીમાં સેનેટરી પેડ લઇ શકે છે.