PAAS નેતા અલ્પેશ કથીરિયા પર હુમલો કરનાર પૈકીના એક આરોપીની ધરપકડ

સુરત: પાસ કન્વીનર અલ્પેશ કથીરિયા પર હુમલા મામલે સુરત ક્રાઈમબ્રાન્ચે એક આરોપીની ધરપકડ કરી છે. સુરત ક્રાઈમબ્રાંચે આ કેસમાં પ્રતીક કચ્છી નામના આરોપીની ધરપકડ કરીને તેને કાપોદ્રા પોલીના હવાલે કર્યો હતો. ઉલ્લેખની છે કે ગઈકાલે સાંજે 5 શખ્સોએ અલ્પેશ કથીરિયા પર હુમલો કરીને 5 શખ્સો ફરાર થઈ ગયા હતા. જેના વિરોધમાં પાસ સમર્થકો રસ્તા પર ઉતરી આવ્યા હતા.

આપને જણાવી દઇએ છે કે પાટીદાર અનામત આંદોલન (PAAS)નાં કન્વીનર અલ્પેશ કથીરિયા પર જીવલેણ હુમલો કરવામાં આવ્યો હતો. સુરતનાં કાપોદ્રા વિસ્તારમાં સોસાયટીમાં અલ્પેશ પર હુમલો થયો હતો. જો કે મહત્વનું છે કે અલ્પેશને મળવા આવેલાં અભીજીરાએ તેનાં મિત્રો સાથે તેની પર હુમલો કર્યો છે.

અલ્પેશને કહેવામાં આવ્યું કે તું પાટીદાર નેતા બને છે. તેમ કહીને ચપ્પા વડે હુમલો કર્યો હોવાનો ગંભીર આરોપ લગાવ્યો છે. આ હુમલા બાદ અલ્પેશે કાપોદ્રા પોલીસ સ્ટેશનમાં ફરિયાદ પણ નોંધાવી હતી. જેને પગલે પોલીસે તપાસ હાથ ધરતા આજરોજ એક આરોપીની ધરપકડ કરી હતી.

ઉલ્લેખનીય છે કે અલ્પેશ કથીરિયા પર હુમલાની ઘટના બનતા ગત મોડી રાતે સુરતના રસ્તાઓ પર પાટીદાર આગેવાનો અને લોકો વિરોધ કરવા ઉતરી આવ્યા હતા અને ઘટના બાદ હાર્દિક પટેલ સહિત અનેક આગેવાનોએ આ ઘટનાને વખોડી કાઢી હતી. જો કે સુરત ક્રાઇમબ્રાંચે એક વ્યક્તિની ધરપકડ કરીને પૂછપરછ હાથ ધરી હતી.