આવડત / યુપીમાં બીજેપી સોશિયલ મીડિયા કેમ્પેઇનનો ચાલ્યો જાદૂ, ભાજપ IT સેલની બાગડોર સંભાળી હતી આ ગુજરાતીએ

સોશિયલ મીડિયા પર એક્ટિવ રહેતા લોકોની સંખ્યા વધી ગઇ છે.  દુનિયામાં શું ચાલી રહ્યું છે તે સોશિયલ મીડિયાના ટ્રેન્ડ પરથી ચોક્કસ જાણવા મળે. ત્યારે ઇલેક્શન દરમિયાન પણ સોશિયલ મીડિયાએ મહત્વનો ભાગ ભજવ્યો છે.  હાલમાં જ પાંચ રાજ્યોની વિધાનસભા ચૂંટણીનું પરિણામ આવ્યું જેમાં ઉત્તર પ્રદેશમાં ફરી એકવાર ભાજપે પ્રચંડ બહુમતી મેળવીને ભગવો લહેરાવ્યો. યુપી ઇલેક્શન દરમિયાન ભાજપનું સોશિયલ મીડિયા કેમ્પેઇન પણ જબરદસ્ત હતું.  જેની પાછળ માસ્ટર માઇન્ડ છે ગુજરાતના સુરતનો રવિ ઘિયાર.

ભાજપ આઇટી સેલનો વૉર રૂમ સંભાળ્યો ગુજરાતીએ 

જી હા, યુપી ભાજપના સોશિયલ મીડિયા કેમ્પેઇનનો ભેજા બાજ છે સુરતનો રવિ ઘિયાર.  કહેવામાં આવી રહ્યું છે કે રવિએ 15 લાખ રૂપિયાનું પેકેજ છોડીને તેણે વર્ષ 2014માં પીએમ નરેન્દ્ર મોદી માટે કેમ્પેઇન ચલાવ્યું હતું, ત્યાર પછી  વર્ષ 2022માં ઉત્તર પ્રદેશ વિધાનસભાની ચૂંટણીમાં સોશિયલ મીડિયાની બાગડોર પણ રવિએ જ સંભાળી હતી.  મળતી માહિતી મુજબ રવિએ ભાજપની સોશિયલ મીડિયા ટીમનો વૉર રૂમ સંભાળ્યો હતો.  આ માટે તે દિલ્હી આઈટી હેડની સૂચના પર યુપીમાં જ રોકાયો હતો.  કહેવામાં આવી રહ્યું છે કે લગભગ નવ મહિના સુધી બંધ રુમમાં રહીને તેણે 200 લોકોની ટીમનું નેતૃત્વ કર્યુ હતું. તેણે થોડા દિવસ અગાઉ જ સીએમ યોગી સાથેનો એક ફોટો ઇન્સ્ટાગ્રામ પર શેર કર્યો હતો. જેમાં તેણે લખ્યુ હતું મિશન UP 2022 પૂર્ણ થયું.

 

 

 

 

View this post on Instagram

 

 

 

 

 

 

 

 

 

 

 

A post shared by Ravi Ghiyar (@ravighiyar)

રવિ ઘિયાર છે સુરત NIT પાસ આઉટ

ભાજપ પાર્ટી તરફથી મળતા સૂત્રો મુજબ રવિ ઘિયાર સુરત NIT પાસ આઉટ છે. તે સાયન્સ એન્ડટેક્નોલોજી, પોલિટિક્સ અને આધ્યાત્મિકતામાં રસ ધરાવે છે.  રવિ સોશિયલ મીડિયાને એક એવું હથિયાર માને છે જે યુવાનોના હાથ પર બોમ્બ આપવા જેવું છે. રવિ ઘિયારને સોશિયલ મીડિયાના દરેક પ્લેટફોર્મ પર રાજકારણનું વાતાવરણ બનાવવા અને બગાડવામાં રાષ્ટ્રીય નિષ્ણાંત કહેવામાં આવે છે. 

યુપી ઇલેક્શનમાં વિપક્ષને ટાર્ગેટ કરતું કેમ્પેઇન ચલાવ્યું

ઉત્તરપ્રદેશની વિધાનસભા ચૂંટણીમાં વોટ્સએપ, ઇન્સ્ટાગ્રામ, ફેસબુક તથા રિલ્સ અને વીડિયો બનાવીને  મિલિયન લોકો સુધી પોસ્ટ પહોંચાડી. ભાજપના એક્ટિવ વર્કરના માધ્યમથી તમામ સોશિયલ મીડિયા પર પોસ્ટનો ફેલાવી હતી. લગભગ પાંચ પાંચ લાખથી વધારે એક્ટિવ બીજેપી વર્કરની ટીમ છેલ્લા ત્રણ મહિનાથી સક્રિય રહી હતી. સોશિયલ મીડિયા કેમ્પેઇનમાં ફોકસ વિપક્ષ પર હતું. 20 જુલાઇથી કેમ્પેઇનની શરુઆત કરવામાં આવી હતી જેમાં BJP4UP હેશટેગ વાપરવાનું શરુ કરવામાં આવ્યું હતું,