અમદાવાદના RTI એક્ટિવિસ્ટે કરેલી અરજી પ્રમાણે દાવો કરાયો, કરોડોના ખર્ચે બનેલી નવી સિવિલ બિલ્ડિંગમાં સ્ટાફની અછત ચાલી રહી છે
નવી સિવિલ હોસ્પિટલમાં સુવિધાનો અભાવ
RTI અરજીમાં ચિંતાજનક સ્થિતિ આવી સામે
સિવિલમાં મોટાભાગની જગ્યાઓ ખાલી
સુરતની નવી સિવિલ હોસ્પિટલમાં સુવિધાનો અભાવ હોવાનો RTI અરજીમાં ખુલાસો થયો છે. અમદાવાદના RTI એક્ટિવિસ્ટે કરેલી અરજી પ્રમાણે દાવો કરાયો છે. કરોડોના ખર્ચે બનેલી નવી સિવિલ બિલ્ડિંગમાં સ્ટાફની અછત ચાલી રહી છે. સુરત સિવિલમાં મોટાભાગની જગ્યાઓ ખાલી છે અને ભરતી પણ કરાઈ નથી. જેમાં વર્ગ-3ની 188 જેટલી જગ્યા ખાલી છે. 244 મંજૂર જગ્યામાંથી 80% જગ્યા નવી સિવિલમાં ખાલી રહેતા 188 લોકોની ઉણપ સર્જાયેલી છે.
સિવિલ હોસ્ટિપલમાં નર્સની જગ્યા જ ખાલી
RTI મુજબ સુરતની નવી સિવિલમાં નર્સની 122 જગ્યાઓ ખાલી છે. જેમાં એક્સ-રે ટેક્નિશિયનની મંજૂર 12 જગ્યા સામે 11 ખાલી છે. જ્યારે 1 જગ્યા જ ભરાઈ છે. લેબ ટેક્નિશિયનની 30 મંજૂર જગ્યાઓ સામે 16 ખાલી છે. અને 14 જેટલી જ જગ્યા પર ભરતી થઈ છે. હોસ્પિટલને ચલાવવા માટે ઓફિસ સ્ટાફની જગ્યાઓ ન ભરાઈ હોવાનું પણ સામે આવ્યું છે.
ક્લાર્કની 11 જગ્યાઓ મંજૂર છે જ્યારે 10 જગ્યાઓ ખાલી
તબીબી અધિકારીની 17 મંજૂર જગ્યા સામે 2 લોકો જ ફરજ પર