સુરતમાં કોરોનાએ આતંક મચાવ્યો છે ત્યારે એક ગોઝારી ઘટના સામે આવી છે. મૃતદેહોની અદલાબદલીનો અજબ કિસ્સો સામે આવતા પરિવારજનો તોડફોડ પર ઉતરી આવ્યા હતા.
સુરત નવી સિવિલ હોસ્પિટલની બેદરકારી
કોવિડ વિભાગની ગંભીર બેદરકારી
હોસ્પિટલમાં મૃતદેહની અદલા બદલી
સુરતમાં નવી સિવિલ હોસ્પિટલની બેદરકારી સામે આવી છે. એક તરફ કોરોનાની મહામારી છે એવામાં આ ઘટના ચૌંકાવનારી છે. નવી સિવિલ હોસ્પિટલના કોવિડ વિભાગે ગંભીર બેદરકારી દાખવી છે. હોસ્પિટલ સ્ટાફ દ્વારા મૃતદેહની અદલા બદલી થવાની ગફલત થઈ ગઈ છે.
વિધર્મીઓને સોંપી દેવાયા મૃતદેહ
નવી સિવિલમાં કોવિડ સેન્ટર દ્વાા મુસ્લિમ મહિલાનો મૃતદેહ અન્ય પરિવારને સોંપી દેવાનો કિસ્સો સામે આવ્યો છે એટલું જ નહીં પરંતુ મુસ્લિમ મહિલાને મૃતદેહ હિન્દુ પરિવારને સોંપી દેવામાં આવતા આ પરિવારે તેમની અંતિમ વિધિ પણ કરી દીધી હતી.
શું કહે છે પરિવાર?
પરિવારમાં સબનાની બહેનનું કહેવુ છે કે, મારી બહેનના નાના છોકરા છે. આવું કેવી રીતે થઈ શકે. ગઈ કાલે તો તેણે અમારી સાથે વીડિયો કોલમાં વાત કરી છે અને આજ સવારે આવા સમાચાર આપ્યા. અમે મૃતદેહ લેવા આવ્યા તો અમને બીજા કોઈની બોડી આપી રહ્યા છે. જ્યારે અમે સબાનાની બોડી માંગી તો કહે છે એ તો બીજા કોઈને આપી દીધી. યા અલ્લાહ મારી બહેન સાથે શું કર્યુ હશે આ લોકોએ?
સુરત નવી સિવિલના કોવિડ વિભાગે 38 વર્ષીય સબાના અંસારીનો મૃતદેહ હિન્દૂ પરિવારને સોંપી દીધો હતો. હિન્દૂ પરિવારે મુસ્લિમ મહિલાના મૃતદેહની હિન્દુ પરંપરાઓ અનુસાર અંતિમવિધિ કરી દીધી હતી પરંતુ મુસ્લિમ મહિલાનો પરિવાર મૃતદેહ લેવા પહોંચતા ભાંડો ફૂંટ્યો હતો. ગુસ્સે ભરાયેલા પરિવારજનોએ કોવિડ હોસ્પિટલમાં તોડફોડ કરી હતી.
રાજ્યમાં કોરોનાની સ્થિતિ
રાજ્ય સરકાર દ્વારા જાહેર કરવામાં આવેલ આંકડા પ્રમાણે રાજ્યમાં ગત 24 કલાકમાં કોરોનાના 2815 કેસ નોંધાયા છે અને 2063 દર્દીઓ સાજા થયાં છે. આ સાથે જ અત્યાર સુધીમાં 2,96,713 દર્દીઓ કોરોના મુક્ત થયાં છે. તો આજે 13 લોકોના સારવાર દરમિયાન મોત થયાં છે.
અત્યાર સુધીમાં 4552 લોકોના થયાં મોત
આમ ગુજરાતમાં અત્યાર સુધીમાં 4552 લોકોના મોત કોરોનાને કારણે થયાં છે. ગઇકાલ કરતા આજે કોરોનાના કેસમાં ચિંતાજક ઉછાળો નોંધાયો છે તો સાથોસાથ મૃત્યુનો આંકડો પણ દિવસેને દિવસે વધી રહ્યો છે.
સુરત અને અમદાવાદમાં કોરોનાની રફતાર વધી
સ્થાનિક સ્વરાજ્યની ચૂંટણી બાદ ફરી કોરોનાએ માથું ઉચક્યું છે. કોરોનાના કેસમાં સતત વધારો થતા ચિંતા વધી છે. અમદાવાદ શહેરમાં રાજ્યના સૌથી વધુ 646 કેસ અને ગ્રામ્યમાં 13 નવા કેસ નોંધાયા છે. જ્યારે સુરત શહેરમાં 526 નવા કેસ, જ્યારે સુરત ગ્રામ્યમાં 161 કેસ નોંધાયા છે. વડોદરા શહેરમાં 303 કેસ, જ્યારે ગ્રામ્યમાં 81 કેસ નોંધાયા. રાજકોટ શહેરમાં 236 કેસ અને ગ્રામ્યમાં 41 કેસ નોંધાયા છે. ત્યારે જાણો 24 કલાક દરમિયાન રાજ્યના તમામ જિલ્લામાં નોંધાયેલ કેસની વિગત...
કેટલા લોકોને અપાઇ વેક્સિન ?
ગુજરાતમાં અત્યાર સુધીમાં 62,30,249 લોકોને વેક્સિનનો પ્રથમ ડોઝ અને 7,64,347 લોકોને રસીનો બીજો ડોઝ આપવામાં આવ્યો છે. આમાં રાજ્યમાં અત્યાર સુધીમાં 69,94,596 લોકોને કોરોનાની રસી આપવામાં આવી છે.
રાજ્યના ગૃહમંત્રી પ્રદિપસિંહ જાડેજાનો કોરોના રિપોર્ટ પોઝિટિવ આવ્યો છે. ગૃહરાજ્યમંત્રીએ કોરોના રિપોર્ટ પોઝિટિવ આવ્યો હોવાની જાણકારી પોતાના ટ્વીટર એકાઉન્ટ પર આપી હતી.
ગુજરાતમાં શાળાઓને બંધ કરવાના આદેશ
ગુજરાતમાં શાળાઓને બંધ કરવાના આદેશ કરાઈ ચૂક્યા છે. કોરોનાના વધતા કેસના કારણે ધો.1થી 9 સુધીના શાળાઓ બંધ કરવાનો આદેશ કોર કમિટી દ્વારા કરાયો છે. ગુજરાતમાં બાળકોમાં કોરોના કેસ જોવા મળી રહ્યા છે. મુખ્યમંત્રી વિજય રૂપાણીના અધ્યક્ષ સ્થાને કોર કમિટીની બેઠક મળી હતી. જેમાં એક મહત્વપૂર્ણ નિર્ણય કરાયો છે. કોર કમિટીના આ નિર્ણય અનુસાર રાજ્યમાં પ્રવર્તમાન કોરોના સંક્રમણની સ્થિતીને ધ્યાનમાં લઈને કરાયો છે. રાજ્યમાં ધોરણ 1થી 9ની તમામ શાળાઓ બંધ કરાશે.
સોમવાર 5મી એપ્રિલથી શાળાકાર્ય બંધ રાખવામાં આવશે. અને અન્ય સૂચનાઓ કે, આદેશ ન થાય ત્યાં સુધી શિક્ષણકાર્ય બંધ રાખવામાં આવશે. રાજ્યમાં તમામ સરકારી અને ખાનગી શાળાઓને આ સૂચનાઓનો અમલ કરવાનો રહેશે. મુખ્યમંત્રી વિજય રૂપાણીએ રાજ્યના વિદ્યાર્થીઓના વ્યાપક હિત અને કોરોનાના સંક્રમણને નિયંત્રણમાં લાવવાના ઉદ્દેશ્યથી આ નિર્ણય કર્યો છે.