સુરતમાં માસ્ક મામલે ખુબ ઘમાસાણ મચ્યુ છે. મેયર અને પોલીસ કમિશનરે માસ્ક મામલે અલગ અલગ વાત કહેતા સુરતીઓ મુંઝવણમાં મૂકાયા છે.
સુરતમાં માસ્ક મુદ્દે સત્તા અને પોલીસ તંત્ર આમને-સામને
મેયરની જાહેરાત બાદ શહેર પોલીસ કમિશનરનું નિવેદન
માસ્ક મુદ્દે કોઈપણ સમાધાન નહીં: CP
સુરતમાં માસ્ક મુદ્દે સત્તા અને પોલીસ તંત્ર આમને-સામને છે. મેયરની માસ્ક પર દંડ ન વસૂલવાની જાહેરાત બાદ હવે શહેર પોલીસ કમિશનરે નિવેદન આપ્યું છે. પોલીસ કમિશનરે કહ્યું કે માસ્ક મુદ્દે કોઇપણ સમાધાન નહીં કરાય. સુરતમાં માસ્ક નહીં પહેરાનારને દંડ થશે.
રાજ્યમાં કાયદો અને કોર્ટ પણ માસ્ક પહેરવાનું કહે છે. ગરીબોને માસ્ક આપીશું અને માસ્ક વિના દંડ પણ કરીશું. મેયરે માસ્ક ન પહેરવા પર દંડ ન કરવાની જાહેરાત કરી હતી. જ્યારે સુરત પોલીસ કમિશનરે દંડ લેવાની જાહેરાત કરતા લોકો મૂંઝવણમાં છે
સુરતમાં માસ્કને લઇને વિવાદ શું છે?
ગુરૂવારે મેયરે કહ્યું સુરતમાં માસ્ક નહીં પહેરનારને દંડ નહીં પણ માસ્ક આપીશું
મેયર હેમાલી બોઘાવાલાએ આ અંગે જાહેરાત કરી
માસ્ક નહીં પહેરનારા પાસેથી દંડ નહીં વસૂલીએ,પણ માસ્ક અપાશે-મેયર
સુરત પોલીસે આ નિર્ણયને લઇને સ્પષ્ટતા કરી
મેયર કે મનપાનો નહીં પણ આ નિર્ણય પોલીસનો હોવાનો દાવો થયો
સાંજે 5:30 વાગે સુરતના જાહેર રસ્તા પર માસ્કનું વિતરણ પણ કરાયું
આજે સવારે સુરત મેયરે VTV સાથેની વાતચીતમાં એક પણ સવાલના સ્પષ્ટ જવાબ ન આપી શક્યા
જવાબોમાં મેયર માસ્ક પહેરવાની જ અપીલ કરતા રહ્યાં
માસ્કના નિયમોને લઇને સવારે સુરત પોલીસ કમિશનરે પત્રકાર પરિષદ કરી
અજય તોમરે કહ્યું સુરતમાં માસ્ક ન પહેરનારને દંડ થશે જ
મેયરની જાહેરાત અને સુરત પોલીસ કમિશનરની જાહેરાતને લઇને સુરતવાસીઓ મુંઝવણમાં મુકાયા