સુરતમાં કોર્પોરેટર કપિલા પટેલ દ્વારા લાંચ માગવામાં આવતા ACBમાં ફરિયાદ થઈ હતી ત્યારે હવે કોર્પોરેટર કપિલા પટેલનો પતિ ACB સમક્ષ હાજર થયો છે. સુરતમાં લાંચ લેવાના મામલે મહિલા કોર્પોરેટર કપિલા પટેલ સહિત ત્રણ લોકો સામે ફરિયાદ થઈ છે. આ અગાઉ 50 હજારના લાંચ પ્રકરણમાં ACBએ વચેટિયાની ધરપકડ કરી હતી.
સુરતમાં કોર્પોરેટર કપિલા પટેલના લાંચ લેવાનો મામલો
પતિ પોલીસ સ્ટેશનમાં આગોતરા જામીન સાથે થયો હાજર
50 હજારના લાંચ મામલે કોર્પોરેટર અને પતિ હતા ફરાર
કપિલા પટેલનો પતિ ACBમાં આગોતરા જામીન સાથે હાજર થયો છે. ગેરકાયદે બાંધકામ માટે કપિલા પટેલ અને તેના પતિએ 50 હાજરની લાંચ માગી હતી. લાંચની ફરિયાદ થયા બાદ બન્ને લોકો ફરાર હતા.
હવે ACB સમક્ષ કોર્પોરેટરનો પતિ હાજર થયો છે. જોકે હજુ સુધી કોર્પોરેટર કપિલા પટેલ ફરાર છે. ઉલ્લેખનીય છે કે સુરતમાં લાંચ લેવાના મામલે મહિલા કોર્પોરેટર કપિલા પટેલ સહિત ત્રણ લોકો સામે ફરિયાદ થઇ હતી. જો કે મહિલા કોર્પોરેટર અને તેમના પતિ પલ્કેશ પટેલની ધરપકડ કરાઇ નહોતી.
જો કે તે અગાઉ મહિલા કોર્પોરેટરને શહેર કોંગ્રેસ દ્વારા સસ્પેન્ડ કરવામાં આવ્યાં હતા. કોર્પોરેટર કપિલા પટેલ અને તેમના પતિને 50 હજારની લાંચ કેસમાં ACB દ્વારા ગુનો નોંધવામાં આવતાં કોંગ્રેસમાંથી સસ્પેન્ડ કરી દેવામાં આવ્યાં હતા.