કાર્યવાહી / સુરત મ્યુનિસિપલ કોર્પોરેશનનો સપાટો, BU પરમિશન વિનાની 84 હોસ્પિટલો કરી દીધી સીલ

• સુરતમાં BU અને મંજૂરી વિનાની હોસ્પિટલ સીલ
• 2 દિવસમાં 84 હોસ્પિટલ સામે કાર્યવાહી
• 10 હોસ્પિટલ સંપૂર્ણ બંધ કરાઈ

આજે શહેરમાં બીજી દિવસે પણ BU પરમિશન અને મંજૂરી વિના ચાલતી હોસ્પિટલો સામે કાર્યવાહી કરવામાં આવી, સુરત મનપા દ્વારા બે દિવસે 84 હોસ્પિટલોને સીલ કરવામાં આવી છે, જ્યારે 10 હોસ્પિટલોને સંપૂર્ણ સીલ કરવામાં આવી, વારંવાર હોસ્પિટલોમાં આગની ઘટના સામે આવ્યા બાદ સુપ્રીમ કોર્ટ કડક વલણને જોતા હવે મનપા દ્વારા શખ્ત હાથે કાર્યવાહી કરવામાં આવી રહી છે. હોસ્પિટલોને સીલ અને સંપૂર્ણ બંધ કર્યા બાદ 74 હોસ્પિટલોને આંશિક સીલ કરાઈ હતી. મનરાએ સુરતાના વરાછા વિસ્તારમાં આવેલી સૌથી વધુ 21 હોસ્પિટલોને સીલ કરી છે જ્યારે સૌથી વધુ હોસ્પિટલ રાંદેર ઝોનમાં આવેલી છે તેમાં 7 થી 4 હોસ્પિટલો જ સીલ કરાતા મનપાની કાર્યવાહી સામે પણ શંકા ઉપજી રહી છે.  

સુરતમાં BU અને મંજૂરી વિનાની હોસ્પિટલ સીલ

મહત્વનું છે કે ગઈ કાલે સુરતમાં બીયુ પરમિશન વગર ધમધમતી હોસ્પિટલો સામે મનાપા દ્વારા કાર્યવાહી હાથ ધરવામાં આવી હતી. મનપા દ્વારા છેલ્લા 1 મહિનાથી સર્વેની કામગીરી કરી જેમાં શહેરની 199 હોસ્પિટલો બીયુ પરવાનગી વગર ચાલતી હોવાનું સામે આવ્યું હતું, જે બાદ મહાનગર પાલિકા દ્વારા શહેરની 46 હોસ્પિટલોને એક સાથે સીલ કરી હતી, ઉલ્લેખનિય છે કે મનપા દ્વારા કરાયેલા સર્વેમાં 100 હોસ્પિટલો પાસે તો બાંધકામની મંજૂરી પણ નહીં હોવાનું સામે આવ્યું હતું. ગઈ કાલે પણ સુરત મનપાએ 7 હોસ્પિટલોને સંપૂર્ણ સીલ કરી દીધી છે, ત્યારે આજે પણ 10 હોસ્પિટલોને સંપૂર્ણ સીલ કરી દેવાઈ છે, જ્યારે ગઈ કાલે 37 હોસ્પિટલોને આંશિક સીલ કરવામાં આવી તો આજે  74 હોસ્પિટલોને આંશિક સીલ કરાઈ છે. 

BUC વગર ધમધમતી હોસ્પિટલો સીલ

કોરોના બીજી લહેરમાં રાજ્યની કોવીડ હોસ્પિટલોમાં આગની ઘટનાઓ અંગે સુપ્રીમ કોર્ટના કડક વલણને પગલે પાલિકાએ વિકાસ પરવાનગી મેળવ્યા વગર જ શરૂ થઇ ગયેલી 199 હોસ્પિટલો પૈકી 46 હોસ્પિટલોને એક સાથે સીલ માર્યું હતું. તો મનપા દ્વારા આજે બાકી રહેલી હોસ્પિટલોની યાદી તૈયાર કરવામાં આવી છે. શહેરની 883 હોસ્પિટલોમાં સર્વે કરાયો હતો જેમાં બીયુ મેળવ્યા વગર જ 349 હોસ્પિટલ જ્યારે 290 હોસ્પિટલો તો વિકાસ પરવાનગી વગરની મળી આવી હતી

સુરત મ્યુનિસિપલ કોર્પોરેશનનો સપાટો

કોવિડ કાળમાં કાર્યવાહી કરવી ઉચિત ન જણાતા ટેમ્પરરી રાહત આપવાનું નક્કી કરાયું હતું. જોકે સુપ્રીમે રાજ્ય સરકારને રિપોર્ટ રજૂ કરવા સુચના આપી હતી. જેથી પાલિકાએ બીયુસી વગરની 200 જ્યારે વિકાસ પરવાનગી વગરની 199 હોસ્પિટલોની યાદી સાથે રિપોર્ટ મોકલ્યો હતો.નિયમ વિરૂદ્ધ ચાલતી હોસ્પિટલોએ નોટીસ પિરિયડની અવગણના કરતાં બુધવારે કુલ 46 હોસ્પિટલો સામે સીલ કાર્યવાહી કરાઇ છે. જેમાં 7 હોસ્પિટલોને સંપૂર્ણપણે સીલ તો બાકીની 37 હોસ્પિટલોના કેટલાક મહત્વના પાર્ટ સીલ મારી દેવામાં આવ્યા હતા. તો અન્ય હોસ્પિટલો સામે પણ આગામી દિવસોમાં કાર્યવાહી હાથ ધરવામાં આવે તેવું લાગી રહ્યું છે.