સુરતમાં BU વગર ધમધમતી હોસ્પિટલો સામે મનપા દ્વારા મોટી કાર્યવાહી હાથ ધરવામાં આવી છે પાલિકાએ શહેરની 46 હોસ્પિટલોને એક સાથે સીલ કરી છે જ્યારે 7 હોસ્પિટલોને સંપૂર્ણ પણ બંધ કરી દેવામાં છે
સુરતમાં 46 હોસ્પિટલો સીલ કરાઇ
BUC વગર ધમધમતી હોસ્પિટલો સીલ
સુરત મનપા દ્વારા કરાઇ કડક કાર્યવાહી
સુરતમાં બીયુ પરમિશન વગર ધમધમતી હોસ્પિટલો સામે મનાપા દ્વારા કાર્યવાહી હાથ ધરવામાં આવી છે. મનપા દ્વારા છેલ્લા 1 મહિનાથી સર્વેની કામગીરી કરવામાં આવી રહી છે જેમાં આજે શહેરની 199 હોસ્પિટલો બીયુ પરવાનગી વગર ચાલતી હોવાનું સામે આવ્યું છે, જેના ભાગ રૂપે મનપા દ્વારા નોટીસ આપી કાર્યવાહી હાથ ધરવામાં આવી છે, તો સાથે સુરત મહાનગર પાલિકા દ્વારા શહેરની 46 હોસ્પિટલોને એક સાથે સીલ કરવાની કાર્યવાહી કરવામાં આવી હતી, મહત્વનું છે મનપા દ્વારા કરાયેલા સર્વેમાં 100 હોસ્પિટલો પાસે તો બાંધકામની મંજૂરી પણ નહીં હોવાનું સામે આવ્યું છે. સુરત મનપાએ 7 હોસ્પિટલોને સંપૂર્ણ સીલ કરી દીધી છે જ્યારે 37 હોસ્પિટલોને અંશત સીલ કરવામાં આવી છે.
BUC વગર ધમધમતી હોસ્પિટલો સીલ
કોરોના બીજી લહેરમાં રાજ્યની કોવીડ હોસ્પિટલોમાં આગની ઘટનાઓ અંગે સુપ્રીમ કોર્ટના કડક વલણને પગલે પાલિકાએ વિકાસ પરવાનગી મેળવ્યા વગર જ શરૂ થઇ ગયેલી 199 હોસ્પિટલો પૈકી 46 હોસ્પિટલોને એક સાથે સીલ માર્યું હતું. તો મનપા દ્વારા આજે બાકી રહેલી હોસ્પિટલોની યાદી તૈયાર કરવામાં આવી છે. શહેરની 883 હોસ્પિટલોમાં સર્વે કરાયો હતો જેમાં બીયુ મેળવ્યા વગર જ 349 હોસ્પિટલ જ્યારે 290 હોસ્પિટલો તો વિકાસ પરવાનગી વગરની મળી આવી હતી
સુરત મનપા દ્વારા કરાઇ કડક કાર્યવાહી
કોવિડ કાળમાં કાર્યવાહી કરવી ઉચિત ન જણાતા ટેમ્પરરી રાહત આપવાનું નક્કી કરાયું હતું. જોકે સુપ્રીમે રાજ્ય સરકારને રિપોર્ટ રજૂ કરવા સુચના આપી હતી. જેથી પાલિકાએ બીયુસી વગરની 200 જ્યારે વિકાસ પરવાનગી વગરની 199 હોસ્પિટલોની યાદી સાથે રિપોર્ટ મોકલ્યો હતો.નિયમ વિરૂદ્ધ ચાલતી હોસ્પિટલોએ નોટીસ પિરિયડની અવગણના કરતાં બુધવારે કુલ 46 હોસ્પિટલો સામે સીલ કાર્યવાહી કરાઇ છે. જેમાં 7 હોસ્પિટલોને સંપૂર્ણપણે સીલ તો બાકીની 37 હોસ્પિટલોના કેટલાક મહત્વના પાર્ટ સીલ મારી દેવામાં આવ્યા હતા. તો અન્ય હોસ્પિટલો સામે પણ આગામી દિવસોમાં કાર્યવાહી હાથ ધરવામાં આવે તેવું લાગી રહ્યું છે.