Wednesday, July 17, 2019
સબસ્ક્રાઈબ કરો VTVGujarati ન્યુઝ Whatsapp

સુરત / મહાનગરપાલિકાની મોટી બેદરકારી ઓફિસ સીલ કરતા અંદર રહી ગયો કર્મચારી

મહાનગરપાલિકાની મોટી બેદરકારી ઓફિસ સીલ કરતા અંદર રહી ગયો કર્મચારી

સુરતમાં મહાનગરપાલિકાની ઘોર બેદરકારી સામે આવી છે. સુરતમાં મોટા વરાછામાં ધારા આર્કેડમાં ફાયર સેફ્ટી વિનાની દુકાનો અને ઓફિસો સીલ કરવામાં આવી હતી. જેમાં ઈન્સ્યોરન્સની એક ઓફિસમાં એક કર્મચારી અંદર ફસાઈ ગયો હતો.

 

ફાયર બ્રિગેડને સિલીંગ કાર્યવાહી કરવાની એટલી તો ઉતાવળ હતી કે, ઈન્સ્યોરન્સ ઓફિસમાં એક કર્મચારી અંદર જ રહી ગયો અને ફાયર બ્રિગેડ બહારથી સીલ કરીને રવાના થઈ ગઈ. જોકે મીડિયા જ્યારે સિલીંગ કાર્યવાહીનો અહેવાલ બતાવી રહ્યું હતું. તે સમયે આ ઘટના સામે આવી છે.

અહીં સવાલ એ છે કે, દુકાનો સીલ કરવામાં ફાયર બ્રિગેડને શેની ઉતાવળ હતી. શા માટે ફાયર બ્રિગેડે દુકાનોને સીલ માર્યું ત્યારે અંદર ચેકિંગ ન કર્યું. દુકાનમાં ફસાયેલો વ્યક્તિ ભૂખ્યો તરસ્યો મોતને પણ ભેટી શકતો હતો અને જો દુકાનમાં ફસાયેલા વ્યક્તિને કંઈક થયું હોત તો જવાબદારી કોણ લેત?

જોવા જેવું વધુ જુઓ

બ્રેકિંગ ન્યૂઝ