સુરત: મમતા મરી પરવાડી હોય તેવી સુરતમાંથી એક ઘટના સામે આવી છે. માતાનો બાળક પર અત્યાચાર થતો રહ્યો.અને લાચાર દીકરો કણસતો રહ્યો. છુટાછેડા આપ્યા બાદ પતિ પાસે રૂપિયાની માગ કરતા પતિએ રૂપિયા નહીં આપતા પોતાના જ દીકરાને દોરડાથી બાંધી માર મારતો વીડિયો વાયરલ થયો છે.
ઉલ્લેખનીય છે કે આ વીડિયોમાં જોઈ શકાતુ હતું કે બાળકને દોરડાથી બાંધવામાં આવે છે. બાળક પપ્પા પપ્પા બૂમો પાડે છે છતાં આ બાળકને છોડવામાં આવતુ નથી. 4 વર્ષના પુત્રને દોરડા વડે બાંધી માર મારતો વીડિયો પોતાના પતિને મોકલ્યો છે. પૈસા નહી આપે તો પુત્રને મારી નાખવાની ધમકી આપી છે.
આપને જણાવી દઇએ કે શહેરના ડીંડોલી વિસ્તારમાં આ ઘટના બની હતી. જયારે સમગ્ર મામલે પૂર્વ પત્નીથી કંટાળી પતિ પોલીસ સ્ટેશન પહોંચ્યો છે.
ત્યારે અહીં અનેક સવાલ થાય છે કે રૂપિયા પડાવવા દીકરાને કેમ બંધક બનાવ્યો? મા-બાપના છુટાછેડામાં આ માસૂમનો શું વાંક છે? પૈસા પડાવવા દીકરાને પીડા કેમ? રૂપિયા માટે દીકરાને મારી નાખવાની ધમકી કેમ? જેવા અનેક પ્રકારના સવાલ થઈ રહ્યા છે.