આજના જમાનામાંમાણસ માત્ર માટે જીવન જરૂરી બની ગયેલ યંત્ર એટલે મોબાઇલ છે. મોબાઇલ અનેક રીતે ઉપયોગી થાય છે. સરળતાથી અનેક કામો તમે મોબાઇલથી કરી શકો છો. ત્યારે આ મોબાઇલ જોખમી પણ સાબિત થાય છે. સુરતના ઉધનામાં મોબાઈલ બ્લાસ્ટ થવાની ઘટના સામે આવી છે.
સુરતના ઉધનામાં મોબાઈલ બ્લાસ્ટ થવાની ઘટના સામે આવી છે. જેમાં મોબાઈલ યુઝરના ખિસ્સામાં રાખેલો મોબાઈલ અચાનક બ્લાસ્ટ થયો હતો. જો કે મોબાઈલ યુઝરને સામાન્ય ઈજા પહોંચી હતી. તો મોબાઈલ બ્લાસ્ટ થતા અફડાતફડીનો માહોલ સર્જાયો હતો. આમ મોબાઇલ બ્લાસ્ટથી જીવ પણ જઇ શકે છે. તો વધુ ચાર્જિગવાળી બેટરી ગમે ત્યારે બ્લાસ્ટ પણ થઇ શકે છે.
થોડા દિવસો પહેલાં જ પોરબંદરના માધવપુર ગામે મોબાઈલ બ્લાસ્ટ થતા યુવકને ગંભીર ઇજા પહોચી હતી. ઘરે જતા યુવકના ખીસ્સામાં રાખવામાં આવેલો મોબાઈલ બ્લાસ્ટ થયો હતો આ ઘટનામાં યુવકને ગંભીર ઇજા પહોંચતા હોસ્પિટલમાં ખસેડવામાં આવ્યો હતો.
મહત્વનું છે કે, ઘણી વખતે વધુ ચાર્જિંગમાં મુકવાના કારણે મોબાઈલ ગરમ થતો હોય છે. જેના કારણે મોબાઈલમાં બ્લાસ્ટ થવાની પણ શક્યતા હોય છે. પરંતુ આ પ્રકારે ખીસ્સામાં મોબાઇલ બ્લાસ્ટ થવાની ઘટના સામે આવ્યો છે. જોકે, ચાઇનાની બનાવટના મોબાઇલ બ્લાસ્ટ થવાની ઘટનાઓ સૌથી વધુ સામે આવે છે.