VIDEO: સુરતની બાલાપીર દરગાહમાં મઝારની ચાદર નીચે જોવાં મળી હલચલ લોકોમાં કુતુહલતા

સુરતઃ શહેરનાં ઉધના દરવાજા વિસ્તારમાં એક ચમત્કાર થયો હોવાંની એક ઘટના સામે આવી છે. ઉધના દરવાજા વિસ્તારમાં આવેલી બાબાની મઝારમાં આજે હલચલ જોવા મળી છે. મઝાર જાણે શ્વાસ લેતી હોય તે પ્રમાણે હલચલ થાય છે. જો કે આ વીડિયો સોશિયલ મીડિયામાં હાલ વાયરલ થઈ રહ્યો છે. જેનાં પગલે મોટી સંખ્યામાં લોકોએ જોવા માટે પડાપડી પણ કરી હતી. વાયરલ થયેલો આ વીડિયો ક્યારનો છે તે અંગે તો હજી સુધી કોઈ વિગતો મળી નથી.

મહત્વનું છે કે આ ચમત્કારની જાણ થતાં જ મુસ્લિમ સમુદાયનાં લોકો મોટી સંખ્યામાં ઉમટી પડ્યાં હતાં. મસ્જિદની આ કબરમાં દિલનાં ધબકારા જેવી હલચલ જોવા મળી હતી. મઝાર અંદરથી જાણે હલતી હોય તેવું જોવાં મળ્યું. જેને લઇને લોકો મઝારનાં દર્શન કરવા માટે ઉમટી પડ્યાં હતાં. જો કે અહીં દરગાહમાં અનેક લોકોની સંખ્યા ઉમટી પડતાં ત્યાં પોલીસ પણ આવી પહોંચી હતી.

આ દરગાહમાં મુસ્લિમ બિરાદરો શ્રદ્ધાથી તેમજ કેટલાંક લોકો અન્ય કુતૂહલથી વશ થઈને અહીં એકઠા થયાં હતાં. અહીં દરગાહમાં શ્રદ્ધાળુઓની ભારે ભીડ જામતા દરગાહનાં દરવાજા બાદમાં બંધ કરી દેવાયાં હતાં. જો કે જે લોકો આ દરગાહમાં પહેલા પહોંચ્યા હતાં તે લોકોએ મોબાઈલમાં તેનું શુટિંગ પણ કર્યું છે. આ મઝાર ઉપરની ચાદર તથા ફૂલોનાં હાર હાલતા હોય એવા દ્રશ્યો કેમેરામાં કેદ થયાં હતાં.