સુરતઃ શહેરમાં દૂધચોરોએ આતંક મચાવી દીધો છે. ફરી રુસ્તમપુરા મોમનાવાડમાં દૂધચોરોએ ચોરી કરી છે. વહેલી સવારે 5:42 વાગ્યે દૂધના 3 કેરેટની ચોરી થઈ છે. બાઈક પર આવેલા અજાણ્યા શખ્સે દૂધના કેરેટની ચોરી કરી ફરાર થઈ ગયા છે. દૂધ ચોરીની સમગ્ર ઘટના CCTVમાં કેદ થઈ છે.
જ્યાં તમે સ્પષ્ટ જોઈ શકો છો કે CCTVમાં કે આ તસ્કરો દૂધના કેરેટની ચોરી કરે છે. દૂધના કેરેટ બાઈક પર મુકતા નજરે પડે છે. કેરેટ મુકીને ત્યારબાદ પલાયન થઈ જાય છે. જોકે દૂધ વિક્રેતાએ સલાબતપુરા પોલીસ સ્ટેશનમાં ફરિયાદ નોંધાવી છે.
ઉલ્લેખનીય છે કે આ પહેલા પણ સુરતના નાના વરાછા શ્યામધામ વિસ્તારમાં દૂધના કેરેટની ચોરી થઈ હતી. એ ઘટનામાં પણ હજુ સુધી દૂધચોર પકડાયા નથી. ત્યાં બીજી ઘટના બનતા પોલીસની કામગીરી પર દૂધના વેપારીઓએ સવાલ ઉભા કર્યા છે.