અરેરે / પ્રેમનો કરૂણ અંજામ: ચિરાગ રશ્મિના મૃતદેહને લઈને 10 કલાક રખડ્યો

• બારડોલીમાં પ્રેમિકાની હત્યા કરનારા ચિરાગની પોલીસે કરી ધરપકડ
• ચિરાગ પટેલનો કોરોના રિપોર્ટ નેગેટિવ આવતા કરી ધરપકડ
• ચિરાગને રશ્મી સાથે હતો લીવ ઇન રિલેશનશીપમાં 

સુરત જિલ્લા માં થોડા દિવસ પહેલા એક ચકચાર ઘટના સામે આવી હતી. ચકચારીત મચાવનાર એ ઘટના રશ્મિ કટારીયા હત્યા પ્રકરણ છે. બારડોલી ના કિકવાડ ભટલાવ ના ચિરાગ પટેલ યુવક એ સાથે લિવ ઇન માં રહેતી યુવતી ની હત્યા કરી હતી. જે યુવતી ગુમ થયા બાદ સમગ્ર ઘટના અંગે પોલીસે તપાસનો ધમધમાટ શરૂ  કર્યો હતો.

ચિરાગની ધરપકડ કરી હતી

પોલીસ તપાસ માં મૂળ બારડોલીના કીકવાડ ગામની રશ્મિ જયંતી કટારીયા ગામના જ ચિરાગ સુરેશ પટેલ નામના યુવક સાથે પાંચ વર્ષથી લીવ ઇન રિલેશનશીપમાં રહેતી હતી. ગત 15 મીના રોજ ચિરાગે ગુસ્સામાં આવી રશ્મિનું ગળું દબાવીને હત્યા કરી દીધી હતી. દરમ્યાન તેની લાશને વાલોડના નવા ફળિયા ખાતે આવેલા પોતાના પ્રથમ સસરાના ખેતરમાં દાટી દીધી હતી. તપાસ એસ સી એસ ટી સેલ ના ડીવાયએસપીને સોંપવામાં આવી છે. ત્યારે ચિરાગ નો કોરોના રિપોર્ટ નેગેટિવ આવતા ચિરાગની ધરપકડ કરી હતી.

 ચિરાગ રશ્મિના મૃતદેહને લઈને 10 કલાક રખડ્યો

ધરપકડ બાદ ઘટના ના એક એક અંશ સુધી પોહચવા પોલીસ એ માથામણ શરૂ કરી હતી. જેમાં આજે હત્યારા ચિરાગ પટેલ ને સાથે રાખી આખી ઘટના નું પુનરાવર્તન કરાવ્યું હતું. જોકે મળસ્કે 4 વાગ્યે શરૂ થયેલ ઘટના ક્રમ માં બપોર એ 2 વાગ્યે અંત આવ્યો હતો. જોકે હત્યા બાદ ચિરાગ રશ્મિના મૃતદેહને લઈને 10 કલાક રખડ્યો હતો. વાલોડ બજાર માંથી ટાડપત્રી તેમજ મીઠા ની બેગ લીધી હતી. અગાઉ પરિવારનાજ એક બે ખેતર માં જગ્યા શોધી પણ પકડવાની બીકે આખરે સસરા નું નવફળિયા સ્થિત ખેતર પસંદ કર્યું હતું. એટલુંજ નહીં પરંતુ રશ્મિ ના મૃતદેહ ને ત્યાં ઢાંકી ચિરાગ પરત ઘરે આવ્યો અને પોતાનું ટ્રેક્ટર લઈ ને ફરી ગયો ને ત્યાં મૃતદેહ ને દાટી માટી સરખી કરી હતી.

રશ્મિના રહેલ ગર્ભ પોતાનું ન હોવાની શંકા

આખી ઘટના માં મૂળ વાત જ એ હતી કે રશ્મિના રહેલ ગર્ભ પોતાનું ન હોવાની શંકા હતી. આમ જોવા જઈએ તો ચિરાગે એક નહીં પરંતુ બે હત્યા કરી છે. એક યુવતી અને તેના ગર્ભ માં રહેલ બાળક ની. જોકે હાલ પોલીસ એ ચિરાગ ને લઈ ને બનાવ સ્થળ બાબેન લક્ઝુરા રેસિડેન્સી લઈ ગઈ ને જ્યાં જે રીતે ઘટના ને અંજામ આપ્યો એનું આખું વર્ણન કર્યું હતું. હાલ પોલીસે તેની ધરપકડ કરી કાયદેસરની વધુ કાર્યવાહી હાથધરી છે.