સુરત કામરેજના પાસોદરા પાટિયા પાસે સનકી યુવકે યુવતીને લોકોની સામે સરાજાહેરમાં ગળું કાપી મોતને ઘાટ ઉતારી દીધી હતી.
એક તરફી પ્રેમમાં જીવલેણ હત્યા, યુવકે યુવતીનો લીધો જીવ
યુવતીના ગળા ભાગે માર્યો છરો, સરા જાહેર યુવતીની હત્યા
પ્રેમીનું પાગલપન, યુવતીએ ગુમાવ્યો જીવ
સુરતના પાસોદરા નજીક એક તરફી પ્રેમમાં શખ્સ હત્યારો બન્યો છે. હુમલા દરમિયાન યુવતીના ગળાના ભાગે છરીના ઘા ઝીંક્યા હતા. પ્રેમી યુવકે યુવતીના ભાઈ અને પિતા પર પણ હુમલો કર્યો હતો. હત્યા-હુમલો કર્યા બાદ સનકી યુવકે ઝેરી ગોળી ગટગટાવી આત્મહત્યાનો પ્રયાસ કર્યો હતો. હત્યારા યુવક સહિત મૃતક યુવતીના ઈજાગ્રસ્ત ભાઈ અને પિતા હાલ હોસ્પિટલમાં દાખલ છે. કામરેજ પોલીસે ઘટનાને પગલે કાર્યવાહી શરૂ કરી છે.
ગળે ચપ્પુ રાખીને હત્યારોએ ધમકી આપી પછી છરી હુલાવી દીધી
છેલ્લા ઘણા દિવસથી યુવક યુવતીનો પીછો કરી રહ્યો હતો. થોડા દિવસ અગાઉ યુવતીના મોટા પિતા દ્વારા યુવકને ઠપકો પણ આપવામાં આવ્યો હતો.આજે અચાનક છરી જેવા ધારદાર હથિયાર સાથે લઈ યુવતીના ઘર બહાર તોફાન મચાવ્યું હતું. જે બાદ યુવતીના મોટા પિતાએ ગુસ્સે થઈ યુવકને હાંકી કાઢતા છરીથી હુમલો કરી દીધો હતો.યુવતી વચ્ચે પડતા યુવતીને બંધક બનાવી લોકોને આસપાસ ન આવવા ધમકી આપી રહ્યો હતો. ઘણા લોકો હતા પણ ડરના માર્યા દૂર ઊભા રહી તમાશો જોતાં રહ્યા હતા. યુવકે અચાનક યુવતીનો ભાઈ છોડવા જતા યુવતીના ગળા પર છરી હુલાવી દીધી હતી અને ક્રૂરતાપૂર્વક હત્યા કરી નાખી હતી.
પોલીસ પર પણ હુમલો કરવા ચડી આવ્યો
હત્યારા યુવકનો આંતક આ સુધી સિમિત રહ્યો ન હતો. મોડેથી ઘટના સ્થળે પહોંચેલી પોલીસ પર પણ હુમલાની કોશિશ કરી હતી. અને ત્યાર બાદ હાથની નસ કાપી ઝેરી ગોળી ખાઈ લીધી હતી. ઘાયલ મૃતક યુવતીના ઈજાગ્રસ્ત ભાઈ અને પિતા સહિત આરોપીને સ્વિમેર હોસ્પિટલમાં સારવાર અર્થે દાખલ કરાયા છે. પોલીસે યુવકની ધરપકડ કરી આગળની કાર્યવાહી હાથ ધરી છે.
VTV ગુજરાતીના સળગતા સવાલ
એક તરફી પ્રેમમાં પાગલ સાયકિક રોમિયોને કેવી સજા મળશે ?
એક તરફી પ્રેમમાં આટલું પાગલપન કેમ?
શું એક તરફી પ્રેમ હિંસક બનાવે છે?
યુવતીની હત્યા થઈ રહી ત્યારે આસપાસના લોકો કેમ મૂર્તી બન્યા?
આસપાસના લોકોએ યુવકને હત્યા કરતા કેમ ન રોક્યો?
એક તરફી પ્રેમમાં કેમ પાગલ બને છે યુવાનો?
શું ટીવીમાં આવતા ક્રાઈમની સિરિયલોથી પ્રેરાય છે યુવાનો?