સુરત / લો કોલેજના 50 જેટલા વિદ્યાર્થીઓ રઝળી પડ્યા, કારણ વિચિત્ર

સુરતની લો કોલેજમાં એક મહિના પહેલા જ એડમિશનની પ્રક્રિયા પૂર્ણ કરી દેવામાં આવી હતી અને આ એડમિશન કન્ફર્મ કર્યાનો લેટર પણ વિદ્યાર્થીઓને આપી દેવામાં આવ્યો છે. આ લેટર અપાયા બાદ તમામ વિદ્યાર્થીઓ દ્વારા ફી પણ ભરી દેવામાં આવી છે અને છેલ્લા એક મહિનાથી વિદ્યાર્થીઓના ક્લાસ પણ ચાલુ થઇ ગયા છે. 

વિદ્યાર્થીઓ છેલ્લા એક મહિનાથી અભ્યાસ કરી રહ્યા છે. ત્યારે હવે યુનિવર્સીટી દ્વારા વિદ્યાર્થીઓને ના કહી દેવામાં આવી છે કે તમારૂં એડમિશન કન્ફર્મ નથી. વિદ્યાર્થીઓ દ્વારા એડમિશન ફોર્મ ઓનલાઇન ભરતી વખતે ભૂલ થઇ હોવાનું યુનિવર્સીટી જણાવી રહી છે. 

ઓનલાઇન ફોર્મ ભરતી વખતે વિદ્યાર્થીઓને એક ઓપ્શન આપવામાં આવ્યું હતું. કે તમારે આગલા રાઉન્ડમાં જવું હોય તો Yes ઉપર ક્લીક કરો અને એડમિશન ચાલુ રાખવું હોય તો No પર ક્લિક કરો. વિદ્યાર્થીઓ દ્વારા Yes ઉપર ક્લીક કરાયું અને યુનિવર્સીટીએ ફરમાન આપી દેતા હાલ વિદ્યાર્થી રઝળી પડ્યા છે વિદ્યાર્થીઓ માટે યુનિવર્સીટી ફેવરનો નિર્ણય નહીં લે તો વિદ્યાર્થીઓ આગામી દિવસમાં જલદ આંદોલન આપે તો નવાઇ નહીં.