સુરતનું લાલભાઇ કોન્ટ્રાક્ટર સ્ટેડિયમ વિવિધ પ્રવૃત્તિઓથી ધમધમતુ રહ્યું છે. ત્યારે આ સ્ટેડિયમમાં પ્રથમ વખત ઇન્ટનેશનલ મેચ રમાવા જઇ રહી છે. મહિલા T20ની આગામી મેચ આ સ્ટેડિયમમાં યોજાશે ત્યારે સુરતીઓમાં આનંદની લાગણી પ્રસરી છે. હાલ અહીં 8 હજાર જેટલા દર્શકો મેચ જોઇ શકે છે પરંતુ હવે 20 હજાર દર્શકો મેચ જોઇ શકે તેવી વ્યવસ્થા કરવામાં આવી છે.
સુરત શહેરમાં પ્રથમ વખત ઇન્ટરનેશનલ ક્રિકેટ સીરિઝ રમાશે. ભારત-દક્ષિણ આફ્રિકાની મહિલા ટીમ વચ્ચે 5 T-20 ક્રિકેટ મેચ રમાશે. આ શ્રેણી સપ્ટેમ્બર-ઓક્ટોબરમાં ભારત અને દક્ષિણ આફ્રિકા વચ્ચે રમાશે.
ભારત અને દક્ષિણ આફ્રિકા વચ્ચે તારીખ 25, 27, 30 સપ્ટેમ્બરથી 3, 5 ઓક્ટોબર દરમિયાન 5 મેચની T-20 સીરિઝ સુરત ખાતે આયોજન કરાયું છે. લાલભાઈ કોન્ટ્રાક્ટર સ્ટેડિયમ પર 12 પિચ તૈયાર કરાઈ છે.
લાલભાઈ કોન્ટ્રાકટ સ્ટેડિયમમાં 8 હજાર દર્શકો સમાવવાની ક્ષમતા છે. કામચલાઉ ધોરણે બેઠક ક્ષમતા વધારીને 20 હજાર કરાવાઈ શકે છે. જોકે સ્ડેડિયમના કોષાધ્યક્ષના જણાવ્યા અનુસાર, આ સ્ડેડિયમમાં મેચ રમાયા બાદ હજુ વધુ મેચો મળતી રહેશે.
જોકે છેલ્લા 10 વર્ષથી BCCIને ઇન્ટનેશનલ ક્રિકેટ મેચ માટે સુરત સ્ટેડિયમમાં રમાડવા માટે આવેદન કરાઇ રહ્યું હતું. પરંતુ સુરતને એક પણ મેચ મળી નહીં. જોકે આ વર્ષે રાહુલ દ્રવિડે આ મેચની મુલાકાત લીધી હતી. તે દરમિયાન તેમને ગ્રાઉન્ડના વખાણ કર્યા હતા. મહત્વનું છે કે, ૧૯૮૮માં સુરતના આ સ્ટેડિયમમાં વિજય મર્ચન્ટ ટુર્નામેન્ટ રમવા આવેલા માસ્ટર બ્લાસ્ટરે ડેબ્યુ સેન્ચુરી ફટકારી હતી.