VIDEO / સુરતની લા મેરેડિયન હોટેલની અંદરના દ્રશ્યો, પોલીસ છાવણીની વચ્ચે શિવસેના MLAમાં રાજકીય ભવાઇનો ગણગણાટ

• મહારાષ્ટ્ર શિવસેનાના ધારાસભ્યો સુરતમાં 
• સુરતની લા મેરેડિયન હોટેલમાં ધારાસભ્યોને રખાયા
• હોટેલની અંદરના વીડિયો આવ્યા સામે

મહારાષ્ટ્રની મહાવિકાસ અઘાડી સરકાર પર સંકટના નવા વાદળો ઘેરાયા છે. મહારાષ્ટ્ર શિવસેનામાં ભંગાણની શક્યતાઓ સેવાઇ રહી છે. શિવસેનાના નેતા અને મંત્રી એકનાથ શિંદે નારાજ હોય જે પોતાના સમર્થકો સાથે મહારાષ્ટ્ર છોડી ગુજરાત પહોંચ્યા હતા. જેને પગલે દેશના રાજકારણમાં ચર્ચા જાગી છે. મહારાષ્ટ્રના 30 જેટલા ધારાસભ્યો સુરતની ફાઇવસ્ટાર હોટલ લા મેરેડિયનમાં રોકાયા છે. જે હોટેલનો અંદરનો અને બહારનો વિડીયો સામે આવ્યો છે. જેમાં અમુક ધારાસભ્યો હોટેલમાં બેસીને આરામથી વાતો કરી રહ્યા છે તો અમુક ધારાસભ્યો આરામ ફરમાવી રહ્યા છે અને અમુક હરતા, ફરતા નજરે પડી રહ્યા છે. આમ રાજકીય ભવાઇનો ગણગણાટ વિડીયોમાં દેખાઈ રહ્યો છે.

હોટલમાં પોલીસનો ચુસ્ત બંદોબસ્ત 
મહારાષ્ટ્ર શિવસેનાના ધારાસભ્યોએ સુરતમાં ધામાં નાખ્યા છે. જે સુરતની લા મેરેડિયન હોટેલમાં રોકાયા છે. આ હોટેલની અંદરના વીડિયો પણ વહેતા થયા છે. સુરતની લી મેરિડિયન હોટેલના બહારના અને હોટલમાં પોલીસનો ચાંપતો બંદોબસ્ત વિડીયોમાં દ્રશ્યમાન થઈ રહ્યો છે વધુમાં ચુસ્ત બંદોબસ્ત વચ્ચે હોટલમાં કેટલાક ધારાસભ્યો પણ જોવા મળી રહ્યા છે. મહત્વનું છે કે, હોટલના 100 મીટર દૂરથી જ પોલીસ બંદોબસ્ત ગોઠવી દેવાયો છે. એટલું જ નહિ 100 મીટર દૂરથી જ પોલીસે બેરિકેટિંગ કરી નો એન્ટ્રી કરી દીધી છે. ઉલ્લેખનિય છે કે, થોડા દિવસ પહેલાં બાલા સાહેબ નેશનલ મેમોરિયલના ગ્રાઉન્ડ બ્રેકિંગ સેરેમનીના કાર્યક્રમની આમંત્રણ પત્રિકામાં શિંદેનું નામની બાદબાકી જોવા મળી હતી. ત્યારબાદ મહારાષ્ટ્ર સરકારમાં ભડકો થયો હોવાનું સામે આવ્યું છે.