સુરત / BRTS બસના ડ્રાઈવરે દુપટ્ટો ખેંચીને કહ્યું- આજે તારો ચહેરો જોઈને રહીશ, છેડતી કરનારની થઇ ધરપકડ

•  બસ ડ્રાઇવરે કરી છેડતી
• વિદ્યાર્થિનીની કરી છેડતી
• સુરત કતારગામનો બનાવ 

ગુજરાતમાં  દિકરીઓ સુરક્ષિત હોવાની વાતો પોકળ સાબિત થઇ છે.  ઘરમાં , ઑફિસમાં, કે જાહેર માર્ગો પર દિકરીઓ સાથે ક્રૂર અને ખરાબ વર્તનના અનેક કેસો સામે આવે છે.  મહિલા સુરક્ષાની વાતો કરવામાં આવે છે પરંતુ હાલના યુગમાં મહિલાઓ-દિકરીઓ સુરક્ષિત નથી. તેનો વધુ એક પુરાવો સામે આવ્યો છે. સુરતના કતારગામમાં વિદ્યાર્થીનીની છેડતી થઇ હોવાનુ સામે આવ્યું.

બસના ડ્રાઇવરે યુવતીની કરી છેડતી

કતાર ગામ વિસ્તારમાં આ ઘટના બની. કોલેજ જવા રોજે બસમાં અપડાઉન કરતી વિદ્યાર્થીનીને બસ ડ્રાઇવર ખરાબ નજરે જોતો હતો. એકવાર બસમાં માત્ર 2 વિદ્યાર્થીનીઓ જ હતી ત્યારે એકલતાનો લાભ લઇને ડ્રાઇવરે વિદ્યાર્થીનીની છેડતી કરી. બસના ડ્રાઇવરે દુપટ્ટો ખેંચીને વિદ્યાર્થીનીનું મોઢુ જોવાનો પ્રયત્ન કર્યો હોવાનો વિદ્યાર્થીનીએ આરોપ લગાવ્યો.

કોલેજમાં જવા બસમાં કરતી હતી અપડાઉન

ગઈકાલે સવારે 7 વાગ્યે તે પોતાના મિત્રો સાથે કતારગામ બીઆરટીએસ બસ સ્ટેન્ડ પરથી કોલેજ જવા નીકળી હતી.  કોલેજ માટે બીઆરટીએસ બસમાં અપડાઉન કરતી યુવતીને છેલ્લા કેટલાક સમયથી બસના ડ્રાઇવર ખરાબ નજરે જોતો હવાનો પણ આક્ષેપ કરવામાં આવી રહ્યો છે. યુવતી પહેલા તેને નજર અંદાજ કરતી હતી. બસ તેના નિયમીત રૂટ થઇ અડાજણ બસ ડેપોની સામે સિટીલીંકના બસ સ્ટેન્ડ પાસે ડ્રાઇવરે બસ ઉભી રાખી હતી.બસમાં યુવતી અને તેની બે ફ્રેન્ડ સિવાય બીજું કોઇ મુસાફર ન હતું. આ તકનો ગેરલાભ લઇ ડ્રાઇવરે તેની કેબીનમાંથી ઉતરી યુવતી પાસે આવી ગયો અને છેડતી કરી હતી

આરોપી પોલીસ સકંજામાં

જો કે આ વિદ્યાર્થીનીઓની દાદ દેવી પડે. જાહેરમાં થયેલી આવી ઘટનાથી ડરી ગયેલી વિદ્યાર્થીની હિંમત દાખવીને પોલીસ સ્ટેશન પહોંચી. કતાર ગામ પોલીસ સ્ટેશનમાં પોલીસ ફરિયાદ નોંધાવી અને પોલીસે બસ ડ્રાઇવર સામે ગુનો નોંધી તેને ઝડપી પાડ્યો.