સલામ / ભુખ્યાને ભોજન પહોંચાડવા સુરતના બે યુવાનોએ 72 કલાકમાં આ ગજબ વેબસાઈટ તૈયાર કરી

• સુરતના બે યુવાનોએ સોશિયલ ડિસ્ટન્સિંગનો ભંગ અટાકવવા વેબસાઈટ બનાવી
• વેબસાઈટ પર ભોજન ડોનર રજિસ્ટર કરી અન્ય સંસ્થાઓને દાન કરી શકે
• સુરતમાં સફળતા બાદ હવે અમદાવાદમાં પણ આ વેબસાઈટ લોન્ચ કરાશે

સુરતની દાલરોટી (www.dalroti.org) નામની એક વેબસાઈટ બનાવાઈ છે આ વેબસાઈટ દ્વારા શહેરના અનેક જરૂરિયામંદ પરિવારોની આંતરડી ઠરે છે. 

લોકડાઉન ની સ્થિતિ અને કોરોના સામે લડવા ઉદાર દિલે દાન કરતાં લોકો માટે પણ સમસ્યા ઉભી કરી છે. સોશિયલ ડિસ્ટન્સિંગ જળવાઈ અને ઉપરાંત જરૂરિયાતમંદોને ભોજન પહોંચે એ ખુબ અઘરૂ હતું પરંતુ www.dalroti.org વેબસાઈટે એ કરી બતાવ્યું.

આ વેબસાઈટ માત્ર 72 કલાકની મહેનતથી જ બનાવાઈ છે. સુરત ના વિશાલ વિરાણી અને આશિષ ભલાણી નામના બે યુવાનોને આવેલાં આ વિચારમાંથી www.dalroti.orgનું નિર્માણ થયું. 

જો કે વિશાલ વિરાણી IT પ્રોફેશનમાં પોતાનો બિઝનેસ કરે છે પરંતુ લોકડાઉન ની સ્થિતિમાં જરૂરિયાચમંદ પરિવારોને મદદ રૂપ થવાની પોતાની ટીમ પાસે આ પ્રોજેક્ટ તૈયાર કરાવી સામજિક ભાવના અદા કરી. આ સાથે આશિષ ભલાણીએ  આ વેબસાઈટને યોગ્ય રીતે એક્ઝિક્યુટ કરી સેવા કરવાનું બિડું ઝડપ્યું છે.