અકસ્માત / સુરતમાં હીટ એન્ડ રનની ઘટનાઃ કારે બાઈક સવારને મારી ટક્કર, ઘટના CCTVમાં કેદ

• સરથાણામાં કારે બાઈક ચાલકને લીધો અડફેટે
• અકસ્માત થતા બાઈક ચાલક સારવાર હેઠળ
• સમગ્ર ઘટના CCTV કેમેરામાં થઈ કેદ

સુરતના સરથાણા વિસ્તારમાં વધુ એક હીટ એન્ડ રનની ઘટના સામે આવી છે. સરથાણા વિસ્તારમાં કારે બાઈક ચાલકને અડફેટે લીધો હતો. અકસ્માતમાં બાઈક ચાલક ગંભીર રીતે ઈજાગ્રસ્ત થયો હતો. ઈજાગ્રસ્ત બાઈક ચાલકને સારવાર અર્થે હોસ્પિટલમાં ખસેડાયો છે. ગુરૂવારે સાંજે સરથાણામાં થયેલ અકસ્માતની ઘટના CCTV કેમેરામાં કેદ થઈ હતી. પોલીસે CCTVના આધારે આરોપીને ઝડપી પાડવા માટે તપાસ હાથધરી છે.

CCTVમાં અકસ્માત કેદ

CCTVમાં ચોખ્ખુ નજર પડે છે કે, કાર ચાલક ટર્ન મારીને પૂરપાટ ઝડપે આવી રહ્યો છે જેમાં કારની જમણી તરફ એક એક્ટીવા ચાલક મહિલા પણ અડફેટમાં આવતા આવતા રહી જાય છે અને ત્યાં જ ડાબી તરફ બાઈકને ટક્કર લાગી જાય છે અને બાઈક ચાલક હવામાં ફંગોળાય છે. આ ઘટનાને પગલે પોલીસે અકસ્માત અને હીટ એન્ડ રનની ઘટના નોંધીને તપાસ હાથ ધરી છે.