સુરત / ભારે વરસાદને પગલે નવી સિવિલમાં ભરાયા પાણી

ભારે વરસાદથી સુરત શહેરમાં બનાવવામાં આવેલી નવી સિવિલ હોસ્પિટલમાં પાણી ભરાયા છે. વરસાદે વિરામ લીધા બાદ પણ હજી સુધી સિવિલ હોસ્પિટલમાંથી પાણી ઓસર્યા નથી. ટ્રોમા સેન્ટરની બહાર પાણી ભરાતા દર્દીઓને હાલાકી ભોગવવાનો વારો આવ્યો છે. 

સિવિલ હોસ્પિટલમાં પાણીના નિકાલની વ્યવસ્થા ન હોવાના કારણે વરસાદી પાણી નિકળતું નથી. વરસાદ આવતા જ દર વખતે સિવિલ હોસ્પિટલમાં પાણી ભરાય છે. દર્દીઓ પરેશાન હોવા છતા તંત્ર જાગતુ નથી. તો હવામાન વિભાગે દક્ષિણ ગુજરાત અને સોરાષ્ટ્રમાં બે દિવસ ભારે વરસાદની આગાહી કરી છે.